Dhurandhar X Review : अ‍ॅक्शन पॅक्ड, मास एंटरटेनर.. 'धुरंधर' पाहून प्रेक्षक काय म्हणाले?

Dhurandhar Movie Review Ranveer Singh : धुरंधर चित्रपटाने थिएटरमध्ये दमदार सुरुवात केली आहे. रणवीर सिंगच्या देशभक्ती आणि अॅक्शनने भरलेल्या भूमिकेने प्रेक्षकांना भावूक केले आहे. 

Dhurandhar Movie Review Ranveer Singh : रणवीर सिंगचा 'धुरंधर' चित्रपट थिएटरमध्ये प्रदर्शित झाला आहे. ट्रेलर पाहून जो अंदाज लावला जात होता, चित्रपटाला तसाच प्रतिसाद मिळत आहे. लोक चित्रपट पाहत आहेत आणि त्याचे कौतुक करताना थकत नाहीत. कोणी याला अॅक्शन पॅक्ड म्हणत आहे, तर कोणी मास एंटरटेनर. काहींसाठी हा खऱ्या देशभक्तीने भरलेला चित्रपट आहे, तर कोणी याला एक शक्तिशाली थिएटर अनुभव म्हणत आहे. आदित्य धर दिग्दर्शित या चित्रपटात रणवीर सिंग व्यतिरिक्त आर. माधवन, संजय दत्त, अक्षय खन्ना आणि सारा अर्जुन यांसारख्या कलाकारांनीही महत्त्वाच्या भूमिका साकारल्या आहेत. 

'धुरंधर' पाहणाऱ्या लोकांचा रिव्ह्यू

यूट्यूबर आणि चित्रपट समीक्षक रवी चौधरी यांनी X वर 'धुरंधर'ला 5 पैकी 4 स्टार देत लिहिले आहे, "धुरंधर हा एक हाय-ॲड्रेनालाईन देशभक्तीपर अॅक्शन ड्रामा आहे, जो पहिल्या फ्रेमपासूनच जबरदस्त प्रभाव टाकतो. रणवीर सिंगने मेजर मोहितच्या भूमिकेत आतापर्यंतच्या सर्वोत्तम कामगिरीपैकी एक दिली आहे. तो प्रत्येक सीनमध्ये धैर्य, भावना आणि रॉ पॉवर घेऊन येतो. त्यांच्या मते, हा चित्रपट मास अॅक्शन, स्ट्रॉंग इमोशन्स आणि घट्ट कथेचा परिपूर्ण समतोल आहे.

स्वतःला ओव्हरसीज सेन्सॉर बोर्डाचा सदस्य, मोस्ट कॉन्ट्रोव्हर्शियल नं. 1 आणि एडल्ट 18+ पत्रकार म्हणवणाऱ्या उमेर संधूने 'धुरंधर'ला 5 पैकी 4 स्टार दिले आहेत. त्याने याला 'सिलेबसच्या बाहेरचा' चित्रपट म्हटले आहे आणि यातील डायलॉगबाजी, जबरदस्त अॅक्शन सीन्स आणि स्टंट्सचे कौतुक केले आहे. संजय दत्त आणि अक्षय खन्ना यांच्या पात्रांचे त्याने विशेष कौतुक केले आहे. त्याच्या मते, या चित्रपटाने बॉलिवूडचे सोनेरी दिवस परत येत आहेत.

एका X युझरने चित्रपटाचा रिव्ह्यू करताना लिहिले आहे, "धुरंधर सुरुवातीपासून शेवटपर्यंत जबरदस्त आहे." या युझरच्या मते, रणवीर सिंगच्या या चित्रपटाची कथा इतकी रंजक आहे की ती तुम्हाला शेवटपर्यंत खिळवून ठेवते. त्याने याला मास+क्लास एंटरटेनर म्हटले आहे आणि रणवीर सिंगच्या कमबॅकसाठी परफेक्ट चित्रपट ठरवले आहे.

रणवीर सिंगच्या 'धुरंधर' चित्रपटाची कथा काय आहे?

रणवीर सिंगच्या 'धुरंधर' चित्रपटाचा कालावधी 3 तास 34 मिनिटे असल्याचे सांगितले जात आहे. चित्रपटाची कथा इंडियन इंटेलिजन्स ब्युरोच्या एका मिशनवर आधारित आहे, जे एका मोठ्या दहशतवादी नेटवर्कला उद्ध्वस्त करण्यासाठी तयार केले आहे. रणवीर सिंग मेजर मोहितच्या भूमिकेत आहे, तर आर. माधवन हे अजित डोवाल यांच्यापासून प्रेरित अजय सन्याल यांची भूमिका साकारत आहेत. अक्षय खन्ना, अर्जुन रामपाल आणि संजय दत्त पाकिस्तानी दहशतवादी आणि पोलीस अधिकाऱ्यांच्या भूमिका साकारत आहेत.