Dhurandhar 2 Box Office Collection Day 4 : 'धुरंधर द रिवेंज' 700 कोटींच्या जवळ, 4 दिवसांत केली रेकॉर्डब्रेक कमाई

Dhurandhar 2 Box Office Collection Day 4 : 'धुरंधर द रिवेंज' सिनेमानं बॉक्स ऑफिसवर धुमाकूळ घातलाय. फक्त ४ दिवसांत या सिनेमानं सनी देओलच्या 'बॉर्डर २' ला मागे टाकलं आहे. आता हा चित्रपट २०२६ मधला सर्वाधिक कमाई करणारा सिनेमा ठरलाय.

Dhurandhar The Revenge Day 4 Collection

Sacnilk.com च्या रिपोर्टनुसार, 'धुरंधर २' ने रिलीजच्या पहिल्या रविवारी तब्बल ११४.८५ कोटी रुपयांची कमाई केली. सिनेमाने सकाळीच १० कोटींपेक्षा जास्त गल्ला जमवला होता.

जवळपास ४५४.१२ कोटी रुपयांची कमाई

'धुरंधर २' ने फक्त ४ दिवसांत बॉक्स ऑफिसवर जवळपास ४५४.१२ कोटी रुपयांची कमाई केली आहे. यासोबतच हा सिनेमा २०२६ मधला पहिला ४०० कोटींचा टप्पा पार करणारा आणि वर्षातला सर्वाधिक कमाई करणारा सिनेमा ठरला आहे. आतापर्यंत या यादीत सनी देओलचा 'बॉर्डर २' टॉपवर होता, पण आता तो दुसऱ्या क्रमांकावर गेला आहे.

जवळपास ३४१.७० कोटी रुपये कमावले

अनुराग सिंह यांनी दिग्दर्शित केलेला 'बॉर्डर २' हा सिनेमा २३ जानेवारी २०२६ रोजी रिलीज झाला होता. हा १९९७ मध्ये आलेल्या 'बॉर्डर'चा सीक्वल आहे. सनी देओल, वरुण धवन, दिलजीत दोसांझ आणि अहान शेट्टी यांच्या या सिनेमाने भारतात लाइफटाइम जवळपास ३४१.७० कोटी रुपये कमावले होते. सिनेमा यशस्वी ठरला, पण सुपरहिट होण्यापासून थोडक्यात हुकला.

2026 चे टॉप 5 भारतीय चित्रपट

धुरंधर द रिवेंज (हिंदी पॅन इंडिया) : जवळपास ४५४.१२ कोटी रुपये

बॉर्डर २ (हिंदी) : ३४१.७० कोटी रुपये

मन शंकर वरप्रसाद गारू (तेलुगु पॅन इंडिया) : २१८.४४ कोटी रुपये

द राजा साब (तेलुगु पॅन इंडिया) : १४६.०४ कोटी रुपये

ओ रोमियो (हिंदी) : ७३ कोटी रुपये

2026 चे टॉप 5 बॉलिवूड चित्रपट

1. धुरंधर द रिवेंज : जवळपास ४५४.१२ कोटी रुपये
2. बॉर्डर २ : ३४१.७० कोटी रुपये
3. ओ रोमियो : ७३ कोटी रुपये
4. मर्दानी ३ : ५२ कोटी रुपये
5. द केरला स्टोरी २ - गोज बियॉन्ड : ५१ कोटी रुपये

७०० कोटींची कमाई

जर वर्ल्डवाइड कलेक्शनबद्दल बोलायचं झालं, तर 'धुरंधर २' ने जगभरातून जवळपास ६९१.३२ कोटी रुपयांची ग्रॉस कमाई केली आहे. यामध्ये सिनेमाने भारतात ५४१.९७ कोटी रुपये (ग्रॉस) कमावले, तर परदेशातून याची ग्रॉस कमाई जवळपास १४९.३५ कोटी रुपये झाली आहे.