Deepika Padukone : दीपिका-रणवीरने ठेवलं दुसऱ्या लेकीचं नाव 'देवी', फॅमिली फोटो व्हायरल

दीपिका पदुकोण आणि रणवीर सिंगने इन्स्टाग्रामवर एक अतिशय गोड फॅमिली फोटो शेअर केला आहे. दसऱ्याच्या मुहूर्तावर त्यांनी आपल्या दुसऱ्या लेकीच्या नावाची घोषणा केली आहे.

मुंबई : रणवीर आणि दीपिकाची आता ही चौकोनी फॅमिली झाली आहे. दसऱ्याच्या शुभ मुहूर्तावर दीपिका पादुकोण आणि रणवीर सिंग यांनी इन्स्टाग्रामवर एक अतिशय गोड फॅमिली फोटो शेअर केला आहे. या फोटोसोबत त्यांनी आपल्या दुसऱ्या लेकीची जगाला ओळख करून दिली आहे. या जोडप्याने आपल्या चिमुकलीचं नाव 'देवी पदुकोण सिंग' असं ठेवलं आहे.

या फोटोमध्ये संपूर्ण कुटुंबाने पिवळ्या रंगाचे सुंदर आणि चमकदार कपडे घातले आहेत. हा फॅमिली फोटो एकदम परफेक्ट दिसत आहे. त्यांनी या फोटोला कॅप्शन दिलंय, “Of Love & Abundance… Devi Padukone Singh | देवी पादुकोण सिंह.”

या सेलिब्रिटी कपलने त्यांचा एक सुंदर फॅमिली फोटो पोस्ट केला आहे. यात त्यांनी आयव्हरी आणि गोल्डन रंगाचे मॅचिंग पारंपारिक कपडे घातले आहेत. या फोटोत त्यांचं पूर्ण कुटुंब दिसत आहे. मोठी लेक दुआ तिच्या आई-वडील आणि छोट्या बहिणीसोबत खूपच गोड दिसत आहे. रणवीर सिंगने दुआला प्रेमाने जवळ घेतलं आहे, तर दुआ दीपिकाच्या कुशीत असलेल्या आपल्या छोट्या बहिणीला म्हणजेच देवीला किस करताना दिसत आहे. या फोटोतून कुटुंबाचा आनंद आणि दोन्ही बहिणींमधलं प्रेम स्पष्ट दिसत आहे. हा फोटो सोशल मीडियावर तुफान व्हायरल झाला आहे.

चाहत्यांच्या भन्नाट प्रतिक्रिया!

या फोटोवर अनेक सेलिब्रिटींनी प्रेमाचा वर्षाव केला आहे. चाहतेही या चिमुकलीवर भरभरून प्रेम आणि आशीर्वाद देत आहेत. एका चाहत्याने कमेंट केली, “No najar to the beautiful family.” (या सुंदर कुटुंबाला कोणाची नजर न लागो). दुसऱ्या एका युजरने लिहिलं, “all our duas to devi and family.” आणखी एकाने कमेंट केली, “Devi such a Devine name Happy Dussehra.”

दीपिका-रणवीरची हॅपी फॅमिली!

दीपिका आणि रणवीरची मोठी लेक दुआ पादुकोण सिंह हिचा जन्म ८ सप्टेंबर २०२४ रोजी झाला. 'दुआ' या नावाचा अर्थ 'प्रार्थना' असा होतो. तर, त्यांची धाकटी लेक देवी पादुकोण सिंह हिचा जन्म १९ सप्टेंबर २०२६ रोजी झाला आहे.

इथे पाहा फोटो!