Raksha Bandhan : रक्ताच्या नात्यापलीकडचे बंध; हे सेलिब्रिटी मानतात एकमेकांना भाऊ-बहीण

काही सेलिब्रिटी जे रक्ताच्या नात्यापलीकडे जाऊन भाऊ-बहिणीचं नातं जपत आहेत. यामध्ये सलमान खान-बिना काक, आलिया भट-यश जोहर, बिपाशा बासू-रॉकी एस आणि मौनी रॉय-अमित कपूर यांचा समावेश आहे.

मुंबई : सगळीच नाती रक्ताची नसतात, काही मनापासून जपलेली असतात! मनोरंजन विश्वातील अनेक कलाकारांनी हे वेळोवेळी सिद्ध केलं आहे. एकमेकांना प्रत्येक चांगल्या-वाईट काळात साथ देण्यापासून ते अगदी 'टॉम अँड जेरी'सारखी मजा-मस्ती करण्यापर्यंत, अनेक सेलिब्रिटींनी इंडस्ट्रीमध्येच आपल्या भावा-बहिणींना शोधलं आहे. आज रक्षाबंधन आहे, त्यानिमित्ताने अशेच काही ‘राखी सिबलिंग्ज’ ज्यांनी हे दाखवून दिलंय की काही नाती जन्माने नाही, तर मनाने जुळतात.

सलमान खान-बिना काक

बॉलिवूडचा 'भाईजान' सलमान खान आणि राजकारणी बिना काक यांनी 'मैंने प्यार क्यूं किया?', 'सलाम-ए-इश्क' आणि 'गॉड तुस्सी ग्रेट हो' यांसारख्या अनेक सिनेमांमध्ये एकत्र काम केलं आहे. बिना या सलमानच्या मानलेल्या बहीण आहेत. अनेकदा बिना यांनी सलमानसाठी आपलं बहिणीसारखं आणि आईसारखं प्रेम जाहीरपणे व्यक्त केलं आहे. त्यांचं इन्स्टाग्राम अकाउंट तर सलमानसोबतच्या खास क्षणांच्या फोटोंनी भरलेलं आहे. गेल्या वर्षी सलमानच्या ६०व्या वाढदिवशी बिना काक यांनी एक भावनिक नोट लिहिली होती, "वाढदिवसाच्या शुभेच्छा माझ्या मुलासारख्या भावाला. तुझ्या ६०व्या वाढदिवशी तुझ्यासोबत असणं खूप छान वाटतंय. देव तुला जगातलं सगळं सुख देवो."

बिपाशा बासू-रॉकी एस

अभिनेत्री बिपाशा बासू फॅशन डिझायनर रॉकी एसला आपला 'राखी' भाऊ मानते. ही जोडी अनेकदा एकत्र दिसते आणि एकमेकांच्या महत्त्वाच्या कार्यक्रमांमध्ये नेहमीच सहभागी होते. बिपाशाने अनेकदा रॉकीसोबत रक्षाबंधन साजरे केले आहे. त्याला राखी बांधून तिने याचे फोटो इन्स्टाग्रामवर शेअर केले आहेत.

जय भानुशाली-मायशा अय्यर

जय भानुशाली आणि मायशा अय्यर यांनी एकमेकांना भाऊ-बहीण म्हणून मनापासून स्वीकारलं आहे. ही जोडी अनेकदा इन्स्टाग्रामवर मजेशीर आणि मनोरंजक रिल्स शेअर करत असते, ज्यात जय नेहमीच मायशाची खेचताना दिसतो. 'बिग बॉस १५' दरम्यान या दोघांची भेट झाली होती, जिथे त्यांच्यात एक घट्ट नातं तयार झालं, जे शो संपल्यानंतरही कायम आहे. नुकतंच, त्यांनी इन्स्टाग्रामवर एका ब्रँडसाठी रक्षाबंधन थीमवर आधारित व्हिडिओमध्ये एकत्र काम केलं.

ही पोस्ट इन्स्टाग्रामवर पाहा

आलिया भट-यश जोहर

करण जोहरचा मुलगा यश हा आलिया भटसाठी लहान भावासारखा आहे. रक्षाबंधनाला आलिया यशला राखी बांधते. २०१९ च्या रक्षाबंधन सेलिब्रेशनमधील त्यांचा एक गोंडस फोटो पाहा. करणने हा फोटो त्याच्या इन्स्टाग्राम स्टोरीवर शेअर करत 'स्टुडंट ऑफ द इयर' फेम आलियाला "दीदी" असं म्हटलं होतं.

मौनी रॉय-अमित कपूर

अभिनेत्री मौनी रॉयचं फक्त 'कहीं तो होगा' फेम आमना शरीफसोबतच नाही, तर तिचा नवरा अमित कपूरसोबतही खास नातं आहे. प्रत्येक रक्षाबंधनाला ती अमितला राखी बांधण्यासाठी त्यांच्या घरी जाते. गेल्या वर्षी अमितने त्याची "बहीण" मौनीला तिच्या वाढदिवसानिमित्त किती सुंदर शुभेच्छा दिल्या होत्या ते पाहा. त्याने लिहिलं होतं, "माझ्या प्रिय बहिणीला वाढदिवसाच्या खूप खूप शुभेच्छा, जी आयुष्याच्या प्रत्येक वळणावर माझ्या पाठीशी उभी राहिली... गेल्या दोन दशकांतील आपल्या मैत्रीचं नातं अधिक घट्ट झालं आहे... तुला खूप प्रेम आणि आनंद मिळो... आपली ही मैत्री अशीच कायम राहो... लव्ह यू लोड्स माय बेबी सिस @imouniroy."

निया शर्मा-क्रिस्टल डिसूझा

अभिनेत्री निया शर्मा आणि क्रिस्टल डिसूझा रोजच्या आयुष्यात जरी एकमेकांना फारशा भेटत नसल्या, तरी त्या रक्षाबंधनाचा खास दिवस चुकवत नाहीत. 'एक हजारों में मेरी बहना है' या लोकप्रिय मालिकेत बहिणींची भूमिका साकारणाऱ्या या दोघींनी खऱ्या आयुष्यातही ते नातं जपलं आहे. दरवर्षी रक्षाबंधनाला निया आणि क्रिस्टल एकमेकांना राखी बांधून त्यांचं सुंदर नातं साजरं करतात, ज्याची सुरुवात त्या हिट टीव्ही शोच्या सेटवर झाली होती.