ऑनलाइन फसवणुकीपासून सावध रहा: आयुष्मान खुराना सोबत Meta ची नवी मोहीम

Meta ने 'स्कैम्स से बचो' ही सुरक्षा मोहीम आयुष्मान खुराना यांच्यासोबत लाँच केली आहे. ही मोहीम लोकांना ऑनलाइन फसवणुकीपासून सुरक्षित राहण्यासाठी आणि डिजिटल सुरक्षा पद्धतींचे पालन करण्याचे शिक्षण देते.

Meta ने आपली सुरक्षा मोहीम 'स्कैम्स से बचो' लाँच केली आहे आणि बॉलिवूड स्टार आयुष्मान खुराना यांच्यासोबत भागीदारी केली आहे, ज्याचा उद्देश लोकांना ऑनलाइन फसवणुकीपासून सुरक्षित राहण्यासाठी आणि डिजिटल सुरक्षा पद्धतींचे पालन करण्याचे शिक्षण देणे आहे. ही मोहीम इलेक्ट्रॉनिक्स आणि माहिती तंत्रज्ञान मंत्रालय (MeitY), भारतीय सायबर क्राईम समन्वय केंद्र (I4C) आणि माहिती आणि प्रसारण मंत्रालय (MIB) यांच्या सहकार्याने सुरू करण्यात आली आहे. Meta च्या या मोहिमेने ऑनलाइन लोकांचे संरक्षण करण्याच्या कंपनीच्या वचनबद्धतेला अधोरेखित केले आहे आणि देशातील वाढत्या फसवणूक आणि सायबर धोखाधडीच्या प्रकरणांवर नियंत्रण ठेवण्याच्या सरकारच्या उद्दिष्टाला पाठिंबा दिला आहे.

या शैक्षणिक मोहिमेत लोकांना त्यांच्या रोजच्या जीवनात येणाऱ्या सर्वसामान्य फसवणुकींबाबत सतर्क राहण्याचे आणि कोणतेही पाऊल उचलण्याआधी सावधगिरी बाळगण्याचे आवाहन करण्यात आले आहे. या वीडियोमध्ये फेसबुक , इंस्टाग्राम आणि व्हाट्सअप वरील सुरक्षा वैशिष्ट्ये दाखवण्यात आली आहेत, जी वापरकर्त्यांना त्यांच्या ऑनलाइन सुरक्षेवर नियंत्रण ठेवण्याची संधी देतात.

वीडियोमध्ये आयुष्मान खुराना एक दक्ष विवाहसोहळ्यातील पाहुणा म्हणून दिसतोय, जे फसवणुकीच्या बळी पडत असलेल्या लोकांना त्याच्या चाणाक्ष विचारांनी आणि हास्यपूर्ण पद्धतीने वाचवतोय. Meta च्या सुरक्षा वैशिष्ट्यांमध्ये टू-फॅक्टर ऑथेंटिकेशन, ब्लॉक आणि रिपोर्ट, तसेच व्हाट्सअप ची ग्रुप प्रायव्हसी सेटिंग्ज हायलाइट केल्या आहेत. ही मोहीम Meta च्या उत्पादन वैशिष्ट्यांमुळे आणि सुरक्षा साधनांमुळे लोकांना ऑनलाइन फसवणुकीपासून, धोखाधड़ी पासून आणि खात्याचे नुकसान होण्यापासून सुरक्षित ठेवण्यासाठी आवश्यक संरक्षण कसे उपलब्ध होते याची महत्त्वाची आठवण करून देते.

अभियानाच्या लाँचबाबत प्रतिक्रिया देताना आयुष्मान खुराना म्हणाले, “आजच्या डिजिटल युगात, ऑनलाइन फसवणूक आणि धोखाधडीच्या वाढत्या प्रकरणांमध्ये जे अनेकदा खरे वाटतात - आपल्याला सतर्क राहणे आणि सुरक्षित राहण्याचे मार्ग शिकणे खूप महत्वाचे आहे. Meta च्या या सुरक्षाविषयक उपक्रमाचा भाग बनून मला आनंद होत आहे, ज्याचा उद्देश लोकांना संभाव्य सायबर फसवणुकीपासून कसे संरक्षण करावे याबद्दल जनजागृती करणे आहे. कोणतीही कृती करण्यापूर्वी दोनदा विचार करा आणि Meta च्या सुरक्षा साधनांचा वापर करा, ज्यामुळे तुम्हाला तुमच्या ऑनलाइन सुरक्षेवर नियंत्रण मिळवता येईल.”

OTP फसवणूक, खाती आणि गोपनीय माहितीचा ताबा घेणारी फसवणूक, खोट्या ओळखीतून लोकांना पैसे देण्यास प्रवृत्त करणारी फसवणूक, गैरव्यवहार आणि गुंतवणूक फसवणूक, आणि बनावट लोन अॅप्स आणि ऑफर यासारख्या विविध फसवणुकीचे या मोहिमेत प्रदर्शन करण्यात आले आहे. Meta च्या साध्या परंतु प्रभावी सुरक्षा वैशिष्ट्यांमुळे लोकांना ऑनलाइन फसवणुकीपासून आणि धोखाधडीपासून सुरक्षित ठेवले जाऊ शकते, हे मोहिमेत दाखवले गेले आहे.