विजय 69: अनुपम खेर यांची आईला एक अनोखी श्रद्धांजली

अनुपम खेर यांचा नवीन चित्रपट 'विजय 69' त्यांच्या आई दुलारी यांना समर्पित आहे. हा चित्रपट एका 69 वर्षीय व्यक्तीच्या प्रेरणादायक कथेवर आधारित आहे जो आपली स्वप्ने पूर्ण करण्यासाठी संघर्ष करतो.

नेटफ्लिक्स आणि YRF एंटरटेनमेंटचा "विजय 69" ट्रेलर नुकताच प्रदर्शित झाला आणि प्रेक्षकांचा भरघोस प्रतिसाद मिळाला. त्यांच्या विविधरंगी भूमिकांसाठी ओळखल्या जाणाऱ्या अनुपम खेर यांनी सांगितले की त्यांचा नवीन प्रॉजेक्ट "विजय 69" त्यांच्या आई दुलारी यांना अर्पण आहे. हा चित्रपट एका 69 वर्षांच्या व्यक्तीची प्रेरणादायक कहाणी सांगतो, जो जीवनात कठीण वाटचाल करत स्वप्न पूर्ण करण्याचा प्रयत्न करतो.

अनुपम खेर म्हणतात, "विजय 69 ही माझ्या आई दुलारी यांना माझ्या कडून ट्रिब्यूट आहे. त्यांचा जगण्याचा उत्साह, प्रत्येक दिवस पूर्ण जिवंतपणे जगण्याची आवड मला आजही प्रेरणा देते. मी आज जो काही आहे, तो त्यांच्या शिकवणीमुळे आहे, आणि त्यांच्याकडूनच मला कधीच हार न मानण्याची वृत्ती मिळाली. त्यांनी मला शिकवले की, कधीही मागे फिरू नकोस."

ते पुढे म्हणतात, "जेव्हा मी पटकथा वाचली, तेव्हाच मला माझ्या आईची आठवण आली आणि मी या चित्रपटासाठी सज्ज झालो. प्रत्येक सेटच्या दिवशी मी त्यांच्याकडून शिकलेल्या गोष्टी अनुसरल्या: कधीही हार मानू नकोस, स्वतःवर विश्वास ठेव, आणि कोणत्याही परिस्थितीत पुढे चालत राहा. हा चित्रपट त्यांच्या व माझ्यासारख्या अनगिनत वीरांना समर्पित आहे, जे दररोज शांतपणे त्यांच्या संघर्षात विजय मिळवतात. त्या माझ्या सर्वोत्तम गुरू आहेत, आणि माझ्या यशाचे श्रेय त्यांच्या मार्गदर्शनालाच जाते."

"विजय 69" 8 नोव्हेंबरला नेटफ्लिक्सवर प्रदर्शित होणार आहे, आणि अनुपम खेर यांनी या भूमिकेत आपल्या आईबद्दलच्या प्रेमाचा आणि आदराचा भाव प्रकट केला आहे.