पत्नीसह आढळलेल्या तरुणाला पतीने मारहाण करून ठार मारले

तरुणाच्या घरी संशयास्पद परिस्थितीत पत्नीला पाहून पती संतप्त झाला.

दिल्ली: दुसऱ्याच्या घरी पत्नीसोबत आढळलेल्या तरुणाला पतीने मारहाण करून ठार मारले. ऋतिक वर्मा (२१) असे मृताचे नाव आहे. दिल्लीतील शास्त्री पार्क परिसरात ही धक्कादायक घटना घडली.

ऋतिक वर्माच्या घरी संशयास्पद परिस्थितीत पत्नीला पाहून संतप्त झालेल्या पतीने त्याला क्रूरपणे मारहाण केली. पत्नीलाही मारहाण झाल्याचे पोलिस उपायुक्त (ईशान्य) राकेश पवारिया यांनी सांगितले. ऋतिकला आरोपीने क्रूरपणे मारहाण केली असून त्याच्या शरीराच्या सर्व भागांवर जखमा होत्या, असा आरोप ऋतिकच्या मामाने केला.

ऋतिक आणि महिलेला आरोपीने मारहाण केल्याचे शेजाऱ्याने सांगितले. अनेक जणांनी मिळून ऋतिकला मारहाण केली. ऋतिक टेंपो चालक होता आणि तो आई-वडिलांचा एकुलता एक मुलगा होता, असेही शेजाऱ्याने सांगितले. गंभीर जखमी झालेल्या ऋतिकला नातेवाईकांनी रुग्णालयात नेले. उपचारादरम्यान त्याचा मृत्यू झाला. या घटनेचा पुढील तपास सुरू असल्याचे पोलिसांनी सांगितले.