मंदिराजवळ महिलेवर सामूहिक बलात्कार

१७ नोव्हेंबर रोजी घडलेल्या घटनेचा व्हिडिओ व्हाट्सअॅपवर व्हायरल झाला होता.

गुवाहाटी: आसाममध्ये एका महिलेवर आठ जणांनी सामूहिक बलात्कार केला. ही घटना बोरागावमधील निजारपार येथील दुर्गा मंदिराजवळ घडली. १७ नोव्हेंबर रोजी घडलेल्या घटनेचा व्हिडिओ व्हाट्सअॅपवर व्हायरल झाल्यानंतर हा प्रकार उघडकीस आला. आरोपींनी केवळ गुन्हाच केला नाही तर त्याचा व्हिडिओ व्हाट्सअॅपवर व्हायरलही केला, अशी माहिती पोलिसांनी दिली.

१२ डिसेंबर, गुरुवारी सामूहिक बलात्काराचा व्हिडिओ व्हाट्सअॅपवर व्हायरल झाला. त्यानंतर पोलिसांनी तपास सुरू केला. १३ डिसेंबर, शुक्रवारी पहाटे आठ आरोपींपैकी सात जणांना पोलिसांनी अटक केली. गखिर्चौकी येथे राहणारा कुलदीप नाथ (२३), शिवनगर पाथ येथे राहणारा बिजॉय राभा (२२), निसारपार येथील रहिवासी पिंकू दास (१८), गगन दास (२१), बाकुल नगर येथील रहिवासी सौरव बोरो (२०), पाचिम येथील रहिवासी मृणाल रभा (१९), पडुंबरी येथील रहिवासी दिपांकर मुखिया (२१) अशी अटक करण्यात आलेल्यांची नावे आहेत.

फरार असलेल्या आरोपीचा शोध सुरू आहे. पीडित महिला कोण आहे हे अद्याप समजू शकलेले नाही. घटनेचा पुढील तपास सुरू असल्याचे पोलिसांनी सांगितले.