भागलपुरात प्रेमी युगुलावर हल्ला, तरुणीसोबत अत्याचार

बिहारच्या भागलपूरमध्ये मानवतेला काळिमा फासणारी घटना समोर आली आहे. येथे एका तरुणीसोबत ३ जणांनी बलात्कार करून मारहाण करत पैसेही लुटले. 

बिहारच्या भागलपूरमधून एक धक्कादायक घटना समोर आली आहे, जिथे काही तरुणांनी मिळून एका तरुणीसोबत सामूहिक बलात्कार केला. मुलगी तिच्या प्रियकरासोबत शाहकुंडच्या स्थानिक बाजारपेठेतील टेकडीवर फिरायला आली होती. तेवढ्यात तिघेजण तिथे पोहोचले आणि दोघांनाही मारहाण करून पैसे लुटले. त्यानंतर त्यांनी तरुणाला पकडून ठेवले आणि तरुणीसोबत बलात्कार केला.  

तरुणीसोबत तिघांनी केला बलात्कार  

डीएसपी चंद्रभूषण यांनी या घटनेची पुष्टी करत सांगितले की, बलात्काराची घटना समोर आली आहे. तिन्ही आरोपींना पकडण्यासाठी छापेमारी सुरू आहे. बाजारपेठेतील एका वस्तीतील संतप्त लोक रविवारी संध्याकाळी आरोपींना अटक करण्याच्या मागणीसाठी पोलीस ठाण्याच्या गेटवर जमा झाले. प्रेमी युगुल रविवारी संध्याकाळी शाहकुंड टेकडीवर फिरायला गेले होते तेव्हा कसवा खेरही येथील तिघेजण तिथे पोहोचले आणि दोघांनाही मारहाण करू लागले. त्यांनी दोघांकडून मोबाईल आणि पैसेही लुटले. 

 पोलीस करत आहेत घटनेचा तपास

 त्यानंतर तरुणी तिच्या प्रियकरासोबत आपल्या वस्तीत पोहोचली आणि लोकांना या घटनेची माहिती दिली. वस्तीतील लोकांचे म्हणणे आहे की त्यांनी एका आरोपीला पकडले होते, मात्र त्याच्या वस्तीतील लोक त्याला सोडवून घेऊन गेले. पोलीस आता या प्रकरणाचा गांभीर्याने तपास करत आहेत.