SHOCKING: कारमध्ये गुदमरून चार मुलांचा मृत्यू

गुजरातमधील अमरेली जिल्ह्यात खेळताना कारमध्ये अडकलेल्या चार मुलांचा गुदमरून मृत्यू झाला. मृत मुलांचे वय दोन ते सात वर्षे असून ही घटना शनिवारी घडली.

अहमदाबाद: खेळता खेळता कारमध्ये अडकलेल्या चार मुलांचा गुदमरून मृत्यू झाला. ही दुर्दैवी घटना गुजरातमधील अमरेली जिल्ह्यात घडली, अशी माहिती पोलिसांनी सोमवारी दिली. मृत मुलांचे वय दोन ते सात वर्षे आहे.

ही घटना शनिवारी अमरेली जिल्ह्यातील रंधिया गावात घडली. पोलिस अधिकाऱ्यांनी सोमवारी ही माहिती माध्यमांना दिली. मुलांचे पालक गावातील एका शेतात काम करत होते. सकाळी ७.३० वाजता पालक कामावर गेले असताना त्यांची सात मुले त्यांच्या घरी होती. खेळताना चार मुले शेत मालकाच्या कारमध्ये चढली. ही कार घराजवळ उभी होती.

सकाळी ७.३० वाजता कामावर गेलेले पालक आणि कार मालक संध्याकाळी परत आले तेव्हा त्यांना कारमध्ये चार मुले बेशुद्धावस्थेत आढळली. या घटनेत अपघाती मृत्यूची नोंद पोलिसांनी केली आहे. अमरेली पोलिसांनी सांगितले की, सविस्तर तपास सुरू आहे.