८ वर्षीय मुलीचा गोळीबारात मृत्यू

१८ वर्षीय भावाशी असलेल्या वैमनस्यातून गुंडांनी घरात घुसून गोळीबार केला. पायऱ्यांवरून जात असलेल्या ८ वर्षीय मुलीचा दुर्दैवी मृत्यू झाला.

मेरठ: भावाशी असलेल्या वैमनस्यातून गुंडांनी घरात घुसून गोळीबार केला. उत्तर प्रदेशमध्ये आठ वर्षीय मुलीचा दुर्दैवी मृत्यू झाला. रविवारी आठ जणांनी केलेल्या गोळीबारात दुसरीच्या वर्गात शिकणारी विद्यार्थिनी ठार झाली. या घटनेत पोलिसांनी दोघांना अटक केली आहे. आफिया त्यागी नावाची आठ वर्षांची मुलगी छातीत गोळी लागल्याने मरण पावली. आफिया ही कालंद येथील स्थानिक शाळेतील विद्यार्थिनी होती.

कालंद येथे दूध विक्री करणारा व्यक्ती आफियाचा वडील तेहसीन त्यागी आहे. रविवारी रात्री जेवण करण्याच्या तयारीत असताना, बंदुकांसह शस्त्रास्त्रांनी सज्ज असलेले गुंड आल्याचे पाहून ४२ वर्षीय तेहसीन आणि त्यांची तीन मुले लपली, परंतु आफियाला काहीही करता येण्याआधीच तिला गोळी लागली. 

पोलिसांनी दिलेल्या माहितीनुसार, आफियाचा भाऊ आणि १८ वर्षीय साहिल याच्याशी पूर्ववैमनस्य असलेले स्थानिक लोक या हल्ल्यामागे आहेत. रविवारी स्थानिक बाजारात दूध घेऊन आलेल्या १८ वर्षीय साहिलशी त्याच गावातील दोघांचे भांडण झाले होते. स्थानिकांनी मध्यस्थी करून हा वाद मिटवला होता. रात्री ८ वाजता साहिलला लक्ष्य करून आलेल्या टोळक्याने तेहसीनच्या घरात घुसून गोळीबार केला. वरच्या मजल्यावरील पायऱ्यांजवळ उभी असताना ८ वर्षीय मुलीला गोळी लागली. गोळीबाराचा आवाज ऐकून आसपासचे लोक आले तेव्हापर्यंत गुंड पळून गेले होते. एक वर्षापूर्वी साहिल आणि गुंडांच्या टोळीतील दोघांमध्ये वाद झाला होता. या प्रकरणी गुन्हा दाखल करण्यात आला होता, परंतु नंतर दोन्ही पक्षांनी तक्रार मागे घेतली होती. 

मुलीच्या मृत्यूनंतर ८ वर्षीय मुलीच्या वडिलांच्या तक्रारीवरून मेरठ पोलिसांनी दोघांना अटक केली आहे. त्यांच्यावर खुनासह इतर कलमांखाली गुन्हे दाखल करण्यात आले आहेत. या घटनेतील आरोपींना शोधण्यासाठी तीन विशेष पथके नेमण्यात आल्याची माहिती मेरठचे एसएसपी विपिन टाडा यांनी दिली आहे.