नीती सूत्रं

विदुर नीतीबद्दल वेगळं काही सांगण्याची गरज नाही. महात्मा विदुराने महाभारतात त्या काळातील आणि आजच्या समाजालाही उपयोगी पडतील अशी अनेक नीती सूत्रं सांगितली आहेत.

विदुर नीती केवळ राजकारण किंवा सत्तेबद्दल नाही, तर माणसाने आयुष्यात येणाऱ्या सुख-दुःखाच्या काळात कसं वागावं, याबद्दलही मार्गदर्शन करते.

विदुर हस्तिनापूरचे मंत्री होते. ते कौरव आणि पांडवांना नेहमीच चांगल्या गोष्टी शिकवत असत.

विदुरांच्या मते, खोटं बोलणं हे महापाप आहे. विशेषतः पतीने आपल्या पत्नीशी खोटं बोलणं म्हणजे स्वतःहून आपला विनाश ओढवून घेण्यासारखं आहे, असं त्यांनी म्हटलं आहे.

पतीने नेहमी आपल्या पत्नीसोबत सर्व गोष्टी शेअर केल्या पाहिजेत. तसं न करता जर तो पत्नीशी खोटं बोलला, तर तो तिच्या विश्वासाचा घात करतो, असा त्याचा अर्थ होतो.

हे समाजात असंतुलन निर्माण करतं आणि अखेरीस तुमच्या विनाशाचं कारण ठरतं. त्यामुळे पत्नीशी कधीही खोटं बोलू नये, असं विदुराने सांगितलं आहे.

इतकंच नाही, तर सोनं, जमीन आणि मालमत्तेच्या वाटपाच्या बाबतीतही कधीही खोटं बोलू नये. हे चांगलं नाही, असा इशाराही विदुराने दिला आहे.