'या' दिवशी पोळपाट-लाटणं विकत घेऊ नका, जाणून घ्या शुभ दिवस

पोळ्या बनवण्यासाठी वापरल्या जाणाऱ्या पोळपाट-लाटण्याबद्दल वास्तुशास्त्रात काही विशेष नियम सांगितले आहेत. याकडे दुर्लक्ष केल्यास घरातील शांतता, आर्थिक स्थितीवर वाईट परिणाम होऊ शकतो.

अनेकजण गरजेनुसार कधीही पोळपाट-लाटणं खरेदी करतात. पण वास्तुशास्त्रानुसार मंगळवारी आणि शनिवारी पोळपाट-लाटणं खरेदी करणं अशुभ मानलं जातं. यामुळे घरात तणाव आणि आर्थिक नुकसान होऊ शकतं.

बुधवार आणि गुरुवार हे दिवस पोळपाट-लाटणं खरेदी करण्यासाठी उत्तम मानले जातात. या दिवशी खरेदी केलेलं पोळपाट-लाटणं घरात स्थिरता आणि सकारात्मक ऊर्जा घेऊन येतं.

पोळपाट कुठूनही वाकडा किंवा उंच-सखल नसावा याची खात्री करा. वास्तुशास्त्रानुसार, असमान पोळपाट-लाटण्यामुळे घरात असंतुलन आणि अडथळे निर्माण होऊ शकतात.

पोळ्या लाटताना पोळपाट-लाटण्याचा आवाज येत असेल, तर ते अशुभ मानलं जातं. याने घरात मानसिक तणाव, भांडणं वाढतात. त्यामुळे आवाज न करणाऱ्या दगडी किंवा लाकडी पोळपाट-लाटण्याचा वापर करावा.

अनेक जण पोळ्या बनवल्यानंतर पोळपाट-लाटणं न धुता तसंच ठेवून देतात. अस्वच्छ पोळपाट-लाटण्यामुळे घरात नकारात्मकता वाढते. वापरानंतर ते नेहमी स्वच्छ धुऊन, सुकवून मगच ठेवावं.

पोळपाट-लाटणं योग्य दिशेला ठेवणंही गरजेचं आहे. ते स्वयंपाकघराच्या आग्नेय (दक्षिण-पूर्व) किंवा ईशान्य (उत्तर-पूर्व) दिशेला स्वच्छ आणि व्यवस्थित जागी ठेवणं शुभ मानलं जातं.

लक्षात ठेवा की पोळपाट-लाटणं कधीही उलटं किंवा उभं ठेवू नये. तसेच ते उघडंही ठेवू नका. वापरानंतर नेहमी स्वच्छ करून झाकून ठेवणं अधिक चांगलं असतं.