तोंडाचा कॅन्सर वेळीच ओळखण्याचे सोपे मार्ग

कॅन्सरच्या अनेक प्रकारांपैकी तोंडाचा कॅन्सर हा सर्वात धोकादायक मानला जातो. हा कॅन्सर तोंड किंवा घशातील पेशींमध्ये वाढतो.

बऱ्याचदा तोंडात सतत लाल किंवा पांढरे डाग दिसतात, ज्यात वेदना होत नाहीत. किंवा असे व्रण (ulcers) ज्यातून रक्त येतं आणि ते दोन आठवड्यांत बरे होत नाहीत.

मुख्यतः तंबाखू आणि अल्कोहोलच्या सेवनामुळे तोंडाचा कॅन्सर जास्त प्रमाणात दिसून येतो. याचं लवकर निदान झाल्यास रुग्णाच्या जगण्याची शक्यता लक्षणीयरीत्या वाढते.

तोंडाचा कॅन्सर एकाएकी किंवा अचानक होत नाही. तो हळूहळू वाढत जातो... असं डॉक्टर अंकुर बहल सांगतात.

तोंडाचा कॅन्सर खूप धोकादायक आहे. डॉक्टर अंकुर यांच्या मते, नियमितपणे स्वतः तपासणी केल्यास हा आजार लवकर ओळखता येतो.

आपल्या तोंडाच्या आत रंग, पोत (texture) किंवा आकारात काही असामान्य बदल दिसतोय का, याकडे बारकाईने लक्ष द्या.

आपलं तोंड पूर्ण उघडून प्रत्येक गाल एका-एका बाजूला ओढा. आतमध्ये कोणतीही गाठ किंवा जाडसर भाग दिसल्यास, त्वरित डॉक्टरांना भेटा.

हिरड्यांना सूज, असामान्य रक्तस्त्राव किंवा रंगात बदल आहे का ते तपासा. हिरड्यांच्या समस्या अनेकदा दातांशी संबंधित असल्या तरी, सतत काहीतरी वेगळं जाणवत असेल तर दुर्लक्ष करू नका.

तोंडात पांढरे किंवा लाल डाग, बरा न होणारा व्रण, गाठ किंवा जाडसर भाग दिसल्यास, डॉक्टरांना भेटून तपासणी करा आणि तो कॅन्सर नाही याची खात्री करून घ्या.