पावसाळ्याआधी लावा ही 5 रोपं, वर्षभर खा ताज्या भाज्या

जर तुम्ही पावसाळ्यापूर्वी तुमच्या टेरेस गार्डनमध्ये या 5 भाज्या लावल्या, तर संपूर्ण पावसाळ्यात तुम्ही घरच्या ताज्या आणि ऑरगॅनिक भाज्यांचा आनंद घेऊ शकता. चला जाणून घेऊया.

भेंडी उष्ण आणि दमट हवामानात वेगाने वाढते. ती मोठ्या कुंडीत लावा आणि रोज थोडा वेळ उन्हात ठेवा. पावसाळ्यात भेंडीचं उत्पादन खूप चांगलं होतं.

दुधी भोपळा ही वेलवर्गीय भाजी आहे, त्यामुळे ती टेरेसच्या रेलिंग किंवा जाळीजवळ लावा. पावसाळ्यामुळे या वेलाची वाढ वेगाने होते आणि लवकर फळं येतात.

पावसाळ्यापूर्वी टोमॅटोची रोपं लावल्यास पावसाळ्यात चांगलं पीक मिळतं. फक्त कुंडीत पाणी साचणार नाही याची काळजी घ्या, नाहीतर रोपांची मुळं खराब होऊ शकतात.

कारल्याचा वेल पावसाळ्यात खूप पसरतो. त्याला उन्हात ठेवा, जेणेकरून पावसाळ्यात चांगलं आणि आरोग्यदायी पीक मिळेल.

हिरव्या मिरचीचं रोप कमी जागेत सहज उगवतं. त्याला नियमित ऊन आणि थोडं खत मिळालं, तर पावसाळ्यात भरपूर मिरच्या येतात.