कोंड्यावर सोपे घरगुती उपाय

केसांमधील कोंडा ही एक सामान्य समस्या आहे. पण यावर वेळीच उपाय केला नाही, तर केसगळती वाढू शकते. यासाठी काही सोपे घरगुती उपाय पाहूया.

दोन चमचे ॲपल सायडर व्हिनेगर एक कप पाण्यात मिसळून घ्या. हे मिश्रण केसांच्या मुळांना लावा. १५ मिनिटांनी केस स्वच्छ धुवा.

कडुलिंबामध्ये अँटी-बॅक्टेरियल आणि अँटी-फंगल गुणधर्म असतात. काही कडुलिंबाची पानं पाण्यात उकळा. पाणी हिरवं झाल्यावर ते गाळून घ्या आणि त्या पाण्याने केस धुवा.

ऑलिव्ह ऑईल थोडं गरम करून केसांच्या मुळांना लावा. रात्रभर तसंच ठेवा आणि दुसऱ्या दिवशी केस विंचरा. यामुळे स्काल्पला थंडावा मिळतो आणि कोंडा कमी होतो.

अंड्यामध्ये भरपूर प्रोटीन असतं, जे कोंडा दूर करण्यास मदत करतं. एक अंडं चांगलं फेटून घ्या आणि केसांच्या मुळांना लावा. १५-२० मिनिटांनी थंड पाण्याने केस धुवा.

कांद्याचा रस केसांच्या वाढीसाठी खूप फायदेशीर आहे. हा रस केसांच्या मुळांना लावा आणि १५-२० मिनिटांनी केस स्वच्छ धुऊन टाका.

दह्यामध्ये प्रोबायोटिक्स भरपूर प्रमाणात असतात. दही केसांच्या मुळांना चांगलं चोळून लावा. १५ मिनिटांनी केस स्वच्छ धुवा.