आयरिश गर्लचा देसी स्वॅग, लाल लेहंग्यात शिखर धवनची होणारी नवरी चमकली

भारतीय क्रिकेट टीमचा फलंदाज शिखर धवन लवकरच त्याची आयरिश गर्लफ्रेंड सोफी शाइनसोबत लग्न करणार आहे. त्यांच्या लग्नसमारंभाचे फोटो सोशल मीडियावर चांगलेच व्हायरल होत आहेत.

शिखर-सोफीच्या हळदीचे फोटो इंस्टाग्रामवर शेअर करण्यात आले. यात सोफी शाइनने खूप सुंदर लाल रंगाचा लेहंगा घातला आहे. तिने हेवी वर्क असलेला हॉल्टर नेक ब्लाउज, पिवळ्या रंगाची ओढणी घेतली.

सोशल मीडियावर शिखर धवनच्या हळदीचे फोटो वेगाने व्हायरल होत आहेत. यामध्ये सोफी खूपच आनंदी दिसत आहे. लोक तिच्यावर फुलांचा वर्षाव करत आहेत.

पंजाबी संस्कृतीत चुडा समारंभाला खूप महत्त्व आहे. सोफीने तिच्या हातात लाल रंगाचा चुडा घातला आहे, जो कापडाने झाकलेला आहे आणि त्याला सोनेरी रंगाचे कलीरे लावलेले आहेत.

याआधी शिखर आणि सोफीच्या संगीत कार्यक्रमातही सोफीने पेस्टल रंगाचा लेहंगा घातला होता. त्यावर सोनेरी रंगाचं वर्क केलं होतं. तिच्या फोटोंवर चाहत्यांनी भरभरून प्रेम दर्शवलं होतं.

शिखर धवनचा २०२३ मध्ये त्याची पहिली पत्नी आयशा मुखर्जीसोबत घटस्फोट झाला. आयशा आणि धवन यांना एक मुलगाही आहे, ज्याचं नाव जोरावर आहे. जोरावर त्याच्या आईसोबत राहतो.

शिखरने २४ ऑगस्ट २०२४ रोजी आंतरराष्ट्रीय क्रिकेटमधून निवृत्तीची घोषणा केली. त्याने भारतासाठी ३४ कसोटी, १६७ वनडे, ६८ टी-२० आंतरराष्ट्रीय सामन्यांमध्ये १०,८६७ धावा केल्या आहेत.

शिखरची गर्लफ्रेंड सोफी शाइन ही एक आयरिश तरुणी आहे. ती अबू धाबीमधील नॉर्दर्न ट्रस्ट कॉर्पोरेशनमध्ये व्हाईस प्रेसिडेंट आणि प्रोडक्ट कन्सल्टंट आहे. याच दरम्यान तिची शिखरशी भेट झाली.