हिंदी बोलणाऱ्या कीर्तना यांना विजयने मंत्री का बनवलं?, कारण ऐतिहासिक

अभिनेते थलापती विजय आता तामिळनाडूचे मुख्यमंत्री झाले आहेत. त्यांच्या मंत्रिमंडळात एस. कीर्तना या एकमेव महिला मंत्री आहेत, ज्या अस्खलित हिंदी बोलतात. 

थलापती विजय यांच्या TVK सरकारच्या मंत्रिमंडळात ९ नेत्यांनी मंत्रीपदाची शपथ घेतली आहे. यामध्ये एका महिला आमदाराचाही समावेश आहे, ज्यांची सध्या जोरदार चर्चा सुरू आहे.

तामिळनाडूचे मुख्यमंत्री सी. जोसेफ विजय यांच्या सरकारमध्ये मंत्री बनलेल्या एकमेव महिला म्हणजे सेल्वी एस. कीर्तना. त्यांनी शिवकाशी मतदारसंघातून आमदारकीची निवडणूक जिंकली आहे.

कीर्तना या सर्वात तरुण मंत्री आहेत. वयाच्या अवघ्या २९ व्या वर्षी त्या मंत्री बनल्या आहेत. शिवकाशी मतदारसंघातून तब्बल ७० वर्षांनंतर कोणी महिला निवडणूक जिंकली आहे.

विशेष म्हणजे, कीर्तना यांची तमिळ भाषेसोबतच हिंदीवरही मजबूत पकड आहे. निवडणुकीच्या प्रचारादरम्यान त्यांचा हिंदी बोलतानाचा एक व्हिडिओ सोशल मीडियावर प्रचंड व्हायरल झाला होता.

व्हायरल व्हिडिओमध्ये कीर्तना म्हणतात, 'मी हिंदी यासाठी बोलत आहे, जेणेकरून माझ्या नेत्याबद्दल सर्वांना माहिती मिळावी. राजकारणात प्रत्येकाने यायला हवं, मी फक्त एक उदाहरण आहे'.

कीर्तना या विजय यांच्या सर्वात विश्वासू नेत्यांपैकी एक आहेत. त्या तरुण आणि महिला आहेत, म्हणूनच त्यांना मंत्रीपद देण्यात आले आहे. त्यांनी तब्बल ७० वर्षांचा जुना विक्रम मोडला आहे.