हातांवरचं टॅनिंग काढायचंय? हे घरगुती उपाय नक्की करून पाहा

कडक उन्हामुळे अनेकदा आपले हात काळवंडतात. हातांवरचं हे टॅनिंग घालवण्यासाठी महागड्या उत्पादनांची गरज नाही. स्वयंपाकघरातील गोष्टी वापरून तुम्ही हातांना पुन्हा चमकदार बनवू शकता.

लिंबाच्या रसामध्ये नैसर्गिक ब्लिचिंग गुणधर्म असतात. हे टॅनिंग कमी करतात. तर मध त्वचेला आवश्यक ओलावा देऊन त्वचा मऊ ठेवतो.

दह्यातील लॅक्टिक ॲसिड त्वचेवरील मृत पेशी (dead cells) काढून टाकतं. तर हळद त्वचेला नैसर्गिक चमक देते आणि रंग उजळवते.

बेसन आणि थोडं दूध एकत्र करून हातांवर लावा. हा पॅक टॅनिंग काढून त्वचा मऊ करतो. हा एक उत्तम आणि पारंपरिक उपाय आहे.

रात्री झोपण्यापूर्वी हातांवर कोरफड जेल लावा. यामुळे उन्हामुळे होणारी जळजळ कमी होते आणि त्वचेचा रंग उजळण्यासही मदत होते.

पपईमध्ये 'पपेन' नावाचं एन्झाइम असतं. हे एन्झाइम त्वचेवरील टॅनिंग खूप वेगाने काढून टाकण्यास मदत करतं. यासाठी पपईचा गर मधासोबत लावा.

बटाट्याचा रस एक नैसर्गिक ब्लिचिंग एजंट म्हणून काम करतो. हातांवरील काळे डाग आणि टॅनिंग घालवण्यासाठी हा रस खूप प्रभावी आहे.

टोमॅटोमध्ये 'लायकोपीन' नावाचा घटक असतो. हा घटक त्वचेचा काळवंडलेपणा कमी करतो आणि सूर्याच्या हानिकारक किरणांपासून संरक्षण देतो.