ब्रेस्ट कॅन्सर

आजकाल भारतीय महिलांमध्ये ब्रेस्ट कॅन्सरचं प्रमाण वाढतंय. त्यामुळे सुरुवातीच्या टप्प्यातच याचं निदान होणं आणि उपचार मिळणं खूप महत्त्वाचं आहे.

ब्रेस्ट कॅन्सरची सुरुवातीची लक्षणं कशी ओळखायची, असा प्रश्न तुम्हाला पडला असेल. चला, पाहूया घरी बसून कॅन्सरची लक्षणं कशी ओळखता येतात.

कॅन्सरची अनेक लक्षणं घरीच ओळखता येतात. त्यामुळे महिलांनी डॉक्टरांकडे जाण्यापूर्वी आपल्या शरीरात होणारे बदल तपासावेत.

मुख्यतः स्तनाच्या आजूबाजूला होणारे बदल आणि स्तनाच्या आकारात काही फरक दिसतोय का, हे तुम्ही स्वतःच तपासणं महत्त्वाचं आहे. यामुळे तुमचा जीव वाचू शकतो.

तुम्ही महिन्यातून एकदा स्वतःची तपासणी करू शकता. मासिक पाळी संपल्यानंतर काही दिवसांनी स्तनांवरील सूज कमी होते. ही वेळ तपासणीसाठी योग्य आहे.

आरशासमोर उभं राहा. तुमच्या स्तनाच्या त्वचेत किंवा आकारात काही बदल झाला आहे का, हे नीट तपासा.

त्यानंतर, तुमच्या बोटांनी स्तनांवर हळूवारपणे स्पर्श करा. गोलाकार पद्धतीने हात फिरवा. तुमच्या हाताला एखादी गाठ किंवा कठीण भाग लागतोय का, हे तपासा.

फक्त स्तनच नाही, तर काखेचा भागही तपासा. कारण कॅन्सरच्या गाठी काखेतही असू शकतात. त्यामुळे तिथेही तपासणी करायला विसरू नका.

तुमच्या शरीरात कोणत्याही प्रकारचा बदल आढळल्यास घाबरू नका. कारण प्रत्येक गाठ धोकादायक नसते.

त्यामुळे कोणताही बदल दिसल्यास लगेच डॉक्टरांना भेटा आणि तपासणी करा. आवश्यक उपचार घ्या. यामुळे तुम्ही लवकर बऱ्या होऊ शकता.