डिहायड्रेशन: शरीर देतं हे 5 महत्त्वाचे संकेत

जेव्हा शरीरातील पाण्याची पातळी कमी होते आणि चयापचय क्रियेत अडथळा येतो, त्या स्थितीला डिहायड्रेशन म्हणतात. यामुळे शरीराच्या सामान्य कार्यावर परिणाम होतो.

शरीरातील पेशींचं कार्य, तापमान नियंत्रण, पोषक तत्वांचा पुरवठा आणि शरीरातील विषारी घटक बाहेर टाकण्यासाठी पाणी अत्यंत आवश्यक आहे.

शरीराला हायड्रेटेड ठेवण्यासाठी दररोज किमान सात ते आठ ग्लास पाणी पिणं आवश्यक आहे. पण अनेकजण फक्त तहान लागल्यावरच पाणी पितात.

नियमितपणे पुरेसं पाणी न प्यायल्यास डिहायड्रेशनची समस्या उद्भवू शकते. तुमचं शरीर डिहायड्रेट झालं असेल, तर ते काही लक्षणं दाखवतं. चला, त्याबद्दल जाणून घेऊया.

पुरेशी विश्रांती घेऊनही तुम्हाला सतत थकवा जाणवत असेल, तर हे शरीरातील पाण्याच्या कमतरतेचं लक्षण असू शकतं. अगदी थोड्या प्रमाणात झालेल्या डिहायड्रेशनमुळेही थकवा वाढू शकतो.

वारंवार होणारी डोकेदुखी हे डिहायड्रेशनचं एक महत्त्वाचं लक्षण असू शकतं. शरीरातील पाण्याच्या असंतुलनामुळे मेंदूवर दाब येऊन डोकेदुखी सुरू होऊ शकते.

शरीरात पाण्याची पातळी तपासण्याचा सर्वात सोपा मार्ग म्हणजे लघवीचा रंग पाहणे. पाणी कमी प्यायल्यास शरीरातील विषारी द्रव्यांमुळे लघवीचा रंग गडद पिवळा होतो.

अनेक अभ्यासांमधून हे सिद्ध झालं आहे की, डिहायड्रेशनमुळे तुमची एकाग्रता, स्मरणशक्ती आणि एकूणच बौद्धिक क्षमतेवर नकारात्मक परिणाम होतो.

पुरेसं पाणी पिऊनही तुम्हाला सतत थकवा किंवा तहान लागत असेल, तर यामागे इलेक्ट्रोलाइट्सचं असंतुलन हे एक कारण असू शकतं.