जुने फाटलेले मोजे फेकू नका, केसांसाठी करा असा जबरदस्त वापर!

सर्वात आधी केस थोडे ओले करा. केस पूर्ण ओले नसावेत, थोडे दमट असावेत याची काळजी घ्या. ओल्या केसांमधून कंगवा फिरवून घ्या, म्हणजे त्यात गुंता राहणार नाही.

आता तुमच्या केसांचे दोन ते चार भागांमध्ये विभाजन करा. यामुळे कर्ल्स अधिक चांगले आणि एकसारखे होतात. केसांच्या या भागांना तुम्ही क्लिपच्या मदतीने बांधून ठेवा.

आता एक स्वच्छ आणि जुना मोजा घ्या. केसांची एक बट घेऊन ती मोज्यावर गुंडाळायला सुरुवात करा. केस मोज्याच्या चारही बाजूंनी रोल करत राहा. शेवटी मोजा बांधा, जेणेकरून केस सुटणार नाहीत.

आता केस ४ ते ६ तास किंवा रात्रभर तसेच राहू द्या. तुम्ही जितका जास्त वेळ केसांमध्ये मोजे बांधून ठेवाल, तितके चांगले कर्ल्स मिळतील.

४ ते ६ तासांनंतर किंवा सकाळी मोजे हळूवारपणे काढा. बोटांच्या मदतीने केसांना मोकळे करा. केसांमध्ये कंगवा फिरवू नका. तुम्ही हवं तर हलका हेअर स्प्रे वापरू शकता.

जर तुम्हाला मोज्यांनी झटपट केस कर्ल करायचे असतील, तर हलक्या ओल्या केसांमध्ये मोजे बांधून त्यावर थोडा वेळ ब्लो ड्राय करा. यामुळे फक्त ४-५ मिनिटांत केस कर्ल होतात.