पेंटच्या किंवा जुन्या बादलीपासून बनवा 7 क्रिएटिव्ह गार्डन प्लांटर्स

बकेट प्लांटर ही एक 'झिरो वेस्ट' क्रिएटिव्ह आयडिया आहे. यामध्ये तुम्ही पेंटच्या किंवा प्लास्टिकच्या बादलीला रंगवून त्यात सुंदर फुलं किंवा शोभेची झाडं लावू शकता.

तुम्ही किचन गार्डनसाठी प्लांटर्स शोधत असाल, तर प्लास्टिकच्या बादलीला मस्त रंग द्या. तिच्या तळाला पाणी जाण्यासाठी छिद्र (ड्रेनेज होल) पाडा आणि त्यात तुमच्या परसबागेतील भाज्या लावा.

टोमॅटोचा वेल लावण्यासाठी बादली हा एक उत्तम पर्याय आहे. तुमच्याकडे रंगीबेरंगी बादली असेल, तर तिला ड्रेनेज होल पाडून त्यात माती भरा आणि टोमॅटोचं रोप लावा.

तुम्हाला क्रिएटिव्ह प्लांटर्स बनवायचे असतील, तर तुमच्या बादलीवर आधी एक बेस कलर द्या. त्यावर पोल्का डॉट्स काढा, किंवा एखादा क्यूट स्माईली चेहरा काढून त्यात शोभेचं झाड लावा.

तुमच्याकडे बादलीशिवाय एखादा प्लास्टिकचा टब असेल, तर त्यात तुम्ही अशाप्रकारे शोभेचं झाड लावू शकता. मध्ये एक काठी लावून त्यावर रिंग लाईट लावा, रात्री हे खूप सुंदर दिसेल.

तुम्ही बादलीचे हँगिंग प्लांटर्ससुद्धा बनवू शकता. बादलीच्या वरच्या बाजूला दोरी बांधून ती टांगा. त्यात माती भरून वेलीची झाडं लावा.

तुमच्याकडे एखादा स्टँड असेल आणि त्यासाठी तुम्ही प्लांटर्स शोधत असाल, तर बादलीला एकसारखा रंग देऊन तिचा व्हर्टिकल गार्डनमध्ये वापर करा. त्यात छोटी-छोटी शोभेची झाडं लावा.