आपण कोणत्या सामान्य चुका करतो?

मिक्सरची मोटर जळू नये आणि त्याची पाती जास्त काळ टिकावी यासाठी मिक्सर वापरण्याची योग्य पद्धत कोणती? आपण रोजच्या वापरात कोणत्या सामान्य चुका करतो? याची सविस्तर माहिती इथे दिली आहे.

जवळपास ९०% लोक चुकीच्या पद्धतीने मिक्सर वापरतात. यामुळे मिक्सर लवकर खराब तर होतोच, पण अपघातही होऊ शकतो. तुमचा मिक्सर जास्त काळ टिकावा यासाठी खालील गोष्टी लक्षात ठेवा.

मिक्सर कधीही सलग ५ मिनिटांपेक्षा जास्त वेळ चालवू नये. योग्य पद्धत म्हणजे, मिक्सर थोडा वेळ (३० सेकंद किंवा १ मिनिट) चालवा आणि नंतर ५-१० सेकंदांचा ब्रेक देऊन पुन्हा सुरू करा.

बऱ्याच मिक्सरमध्ये तांब्याचा (copper) वापर कमी असतो. सलग मिक्सर वापरल्यामुळे मोटर जास्त गरम होऊन जळण्याची शक्यता असते. त्यामुळे, 'कॉपर मोटर' असलेला मिक्सर निवडणं नेहमीच चांगलं.

भाजी किंवा फळांचे लहान तुकडे करूनच भांड्यात टाका. मोठे तुकडे टाकल्यास ब्लेड आणि मोटरवर दाब येतो. तसेच, मिक्सरचं भांडं कधीही पूर्ण भरू नका.

मिक्सरचं भांडं मोटरवर व्यवस्थित लॉक झालं आहे का, हे तपासा. भांडं नीट लॉक न करता मिक्सर सुरू केल्यास, मोटरवरील ब्लेड किंवा कपलर तुटू शकतो.