उकाड्यावर फॅशनेबल उपाय, समरसाठी 7 कूल हेअरस्टाइल्स

उन्हाळ्यात साडी असो किंवा फॉर्मल ड्रेस, तुम्ही कृती सेननसारखा क्लासिक रेट्रो बन ट्राय करू शकता. यासाठी केस वरच्या बाजूला घेऊन बन बांधा आणि चेहऱ्यावर फ्लिक्स सोडा.  

तुमच्या केसांना जास्त व्हॉल्यूम नसेल, तर मधून भांग पाडून केसांना हेवी कर्ल आणि वेव्ही लूक द्या. ही हेअरस्टाईल वेस्टर्न आणि एथनिक अशा दोन्ही प्रकारच्या कपड्यांवर छान दिसते.  

जर तुम्हाला खूप घाम येत असेल, तर रकुल प्रीतसारखी कपाळाजवळ स्लीक ब्रेड (वेणी) घाला. केस मागच्या बाजूला खेचून वेणी घाला आणि बाकीचे केस मोकळे सोडा. 

उकाड्यापासून वाचण्यासाठी आणि ग्लॅमरस दिसण्यासाठी बॅकलेस आऊटफिट उत्तम पर्याय आहे. त्यावर तुम्ही क्लासिक-रेट्रो स्टाईलचा लो बन ट्राय करू शकता. 

तुमचे केस लहान असोत किंवा मोठे, फ्लॅट पफ हा एक उत्तम पर्याय आहे. केस मागे खेचून एक सपाट पफ तयार करा. मोकळ्या केसांना वेव्ही किंवा कर्ली लूक देऊन मोकळे सोडा.  

ऑफिस असो किंवा नाईट पार्टी, स्लीक हाय पोनीटेल कधीच निराश करणार नाही. केस दोन भागांत विभागून आधी एक पोनीटेल बांधा आणि मग त्यावर दुसरी उंच पोनीटेल बांधा.  

तुम्हाला जास्त प्रयोग करायला आवडत नसेल, तर केसांमध्ये मधून भांग पाडा आणि फक्त खालच्या बाजूला केसांना कर्ल करा.