काकडीमध्ये पाण्याचं प्रमाण जास्त

काकडीमध्ये पाण्याचं प्रमाण खूप जास्त असतं. यात व्हिटॅमिन के, पोटॅशियम आणि मॅग्नेशियम भरपूर प्रमाणात असल्यामुळे आरोग्याला अनेक फायदे मिळतात.

काकडीत 95% पाणी असल्यामुळे शरीर हायड्रेट ठेवण्यासाठी ती उत्तम आहे. यात कॅलरीज कमी आणि फायबर जास्त असल्यामुळे वजन नियंत्रणात ठेवण्यास मदत होते.

काकडीतील पाणी आणि विरघळणारे फायबर (soluble fiber) बद्धकोष्ठतेचा त्रास टाळण्यास मदत करतात. यामुळे पचनक्रिया सुरळीत राहते.

काकडी त्वचेवरील सूज, मुरुमं आणि सनबर्न कमी करते. काकडीच्या चकत्या डोळ्यांवर ठेवल्यास डोळ्यांखालची सूज आणि काळी वर्तुळं कमी होण्यास मदत होते.

काकडी व्हिटॅमिन 'के' चा उत्तम स्रोत आहे. हे व्हिटॅमिन हाडांना मजबूत बनवण्यासाठी आवश्यक असतं.

काकडीमध्ये पोटॅशियम जास्त आणि सोडियम कमी असतं. त्यामुळे रक्तदाब नियंत्रणात राहतो आणि हृदयाच्या कार्यालाही मदत मिळते.

काकडीचा ग्लायसेमिक इंडेक्स (GI) कमी असतो. यातील फायबरमुळे रक्तातील साखरेची पातळी स्थिर ठेवण्यास मदत होते.