घरात पैसा टिकत नाहीये? तिजोरी, मुख्य दरवाजा संबंधित करा हे 5 उपाय

दिवस-रात्र मेहनत करूनही घरात बरकत नाहीये? किंवा कमावलेला पैसा टिकत नाहीये? तर वास्तूशास्त्रातील काही सोपे उपाय करून तुम्ही घरात सकारात्मक ऊर्जा आणि भरभराट आणू शकता.

वास्तुशास्त्रानुसार, उत्तर दिशा ही धनाची दिशा मानली जाते. या दिशेला भंगार, तुटक्या वस्तू किंवा जड सामान ठेवल्यास आर्थिक अडचणी वाढू शकतात.

घराच्या उत्तर दिशेला धनाची देवता कुबेर यांचा फोटो किंवा मूर्ती लावणं शुभ मानलं जातं. यामुळे घरात सुख-समृद्धी येते आणि पैसा येण्याचे मार्ग मोकळे होतात.

घराचा मुख्य दरवाजा किंवा मेन डोरमधूनच सकारात्मक ऊर्जा घरात येते. त्यामुळे दरवाजाच्या आसपास घाण किंवा तुटलेल्या वस्तू ठेवल्यास घरात नकारात्मकता वाढू शकते.

वास्तुशास्त्रानुसार, तिजोरी उत्तर किंवा ईशान्य (उत्तर-पूर्व) दिशेला ठेवणं शुभ मानलं जातं. यामुळे पैशांमध्ये स्थिरता येते आणि आर्थिक स्थिती मजबूत होते.

घरात सतत तणाव किंवा जडपणा जाणवत असेल, तर प्रत्येक खोलीत एका काचेच्या वाटीत समुद्री मीठ ठेवा. हे मीठ घरातली नकारात्मक ऊर्जा शोषून घेतं आणि वातावरण हलकं करतं.