गळ्यात नेकलेस नसतानाही साडीवर उठून दिसतील हे फुल नेक ब्लाऊज डिझाईन्स

प्रत्येक महिलेच्या वॉर्डरोबमध्ये एक तरी मल्टीकलर ब्लाऊज असायलाच हवा. हा एक ब्लाऊज कोणत्याही साडीवर परफेक्ट मॅच होतो. लहरिया पट्टी ब्लाऊज तुम्हाला अगदी बजेटमध्ये मिळतील.

२०० ते २००० रुपयांपर्यंत मिळणारे मिरर वर्क ब्लाऊज साडीला एक वेगळाच लूक देतात. तुमच्या वॉर्डरोबमध्ये सिल्व्हर किंवा गोल्डन मिरर ब्लाऊज नक्की सामील करा.

कॉलर नेक ब्लाऊज नेहमीच क्लासी लूक देतात. साडी किंवा लेहेंग्यावर ग्लॅमरस दिसायचं असेल, तर ही डिझाईन निवडा. तुम्ही हे फुल नेक किंवा डीप नेक मॉडेलमध्ये शिवून घेऊ शकता.

महिलांकडे वेल्वेट ब्लाऊज असायलाच हवा. साडी असो वा लेहेंगा, हा ब्लाऊज चारचाँद लावतो. गळ्यावर हेवी वर्क असल्यामुळे यावर कोणतेही दागिने घालण्याची गरज भासत नाही.

सध्या फ्लोरल वर्क खूप ट्रेंडिंगमध्ये आहे. पार्टीत स्टनिंग दिसायचं असेल, तर राऊंड नेकवर ब्रासो फ्लोरल वर्क ब्लाऊज शिवून घ्या. कॉन्ट्रास्ट साड्यांवर हे एकदम परफेक्ट दिसतात.

लग्न आणि सणांसाठी गोल्डन कलर नेहमीच बेस्ट चॉईस असतो. प्रत्येक वेळी नवीन ब्लाऊज घेण्याचा खर्च वाचवायचा असेल, तर राऊंड कॉलरचा एक छान गोल्डन ब्लाऊज शिवून ठेवा.

वेल्वेट फॅब्रिकवर जरी वर्क केलेले ब्लाऊज खूप सुंदर दिसतात. गळ्यावर जरी वर्क असलेला ब्लाऊज सिम्पल साडीवर घातलात, तर तुम्ही एखाद्या अप्सरेसारख्या दिसाल.