घनदाट आणि लांबसडक केसांसाठी घरच्याघरी करा हे सोपे उपाय

एरंडेल तेल केसांच्या वाढीसाठी नैसर्गिकरित्या मदत करतं. हे तेल टाळूवरचा कोरडेपणा, कोंडा आणि इतर समस्या दूर करण्यासही मदत करतं.

कांद्यामध्ये अँटी-मायक्रोबियल आणि अँटी-इन्फ्लेमेटरी गुणधर्म असतात. आठवड्यातून दोनदा कांद्याच्या रसाने टाळूवर मसाज केल्यास चांगला परिणाम दिसतो.

अंड्याचा पिवळा आणि पांढरा भाग, दोन्ही केसांना मजबूत आणि कंडिशनिंग करण्यास मदत करतात. अंड्याचा पांढरा भाग केसांना लावून, थोड्या वेळाने धुवून टाका.

मेथीचे दाणे रात्रभर पाण्यात भिजवून ठेवा. दुसऱ्या दिवशी मिक्सरमध्ये त्याची पेस्ट तयार करा. ही पेस्ट हेअर मास्कप्रमाणे केसांना लावा.

आवळा केसांची मुळं मजबूत करतो आणि केसांना खोलवर कंडिशनिंग करण्यास मदत करतो. आवळ्याचा रस आणि दही एकत्र करून केसांना लावू शकता.

आठवड्यातून दोन किंवा तीन वेळा केसांना दही लावा. साधारण २० मिनिटांनी केस स्वच्छ धुवा.