मुंबईत स्वस्तात मस्त खरेदी करण्यासाठी 10 प्रसिद्ध मार्केट

क्रॉफर्ड मार्केटमध्ये फळं, भाज्या आणि होलसेल दरात सणउत्सावासाठी लागणारे साहित्य खरेदी करता येते.

घरासाठी किंवा रेस्टॉरंटसाठी विंटेज वस्तू किंवा शोपीस घेण्यासाठी सर्वाधिक प्रसिद्ध अशा चोर बाझारला नक्की भेट देऊ शकता. येथे जुन्या काळातील दुर्मिळ अशा वस्तूही खरेदी करता येतात.

सोन्या-चांदीच्या ज्वेलरी खरेदी करण्यासाठी मुंबईतील एकमेव ठिकाण झवेरी बाझार आहे. येथे वेगवेगळ्या डिझाइनमधील ट्रेन्डी ज्वेलरी तुम्हाला खरेदी करता येईल.

ट्रेन्डी आउटफिट्स, बॅग्स, चप्पल शूजसारख्या वस्तू कमी किंमतीत खरेदी करण्यासाठी नक्कीच मुंबईतील लिंकींग रोडला भेट द्या.

फॅशनेबल आउटफिट्स, बॅग्स, ज्वेलरी आणि अँटिक वस्तू घेण्यासाठी कुलाबा कॉजवेचे मार्केट प्रसिद्ध आहे.

खिशाला परवडणाऱ्या आणि स्वस्त दरात ट्रेन्डी, फॅशनेबल कपडे खरेदी करण्यासाठी हिल रोड बेस्ट आहे.

मुंबईत मसाल्यांसाठी प्रसिद्ध असे लालबाग मार्केट आहे. येथे वेगवेगळ्या प्रकारचे मसाले तयार करुन दिले जातात.

ताडदेव येथे असणाऱ्या हिरा पन्ना मार्केटमध्ये ब्रँडेड आउटफिट्स आणि परफ्यूम खरेदी करता येतील.

घराच्या सजावटीसाठी हँडक्राफ्ट आणि डेकोर वस्तू खरेदी करण्यासाठी अर्बन हाटला भेट देऊ शकता.

ट्रेन्डी फूटवेअर आणि कपड्यांसाठी लोखंडवाला मार्केट प्रसिद्ध आहे.