घरी बनवा इलाहाबादी फेमस अंगुरी पेठा, जाणुन घ्या रेसिपी

प्रयागराज हे ऐतिहासिक आणि सांस्कृतिक महत्त्व तसेच मिठाईसाठी ओळखले जाते. येथील अंगूरी पेठा विशेषतः प्रसिद्ध आहे, जो त्याच्या मऊ आणि रसाळ बनावटीसाठी ओळखला जातो.

पांढरा भोपळा - 500 ग्रॅम, साखर - 2 कप, लिंबाचा रस - 2 चमचे, पाणी - 4 कप, केशर - 8-10 धागे, द्राक्ष फ्लेवर एसेंस 1/4 चमचे, हिरवी इलायची पावडर-1/2 चमचे, पिस्ते आणि बदाम सजवण्यासाठी

पांढऱ्या भोपळ्याची कातडी सोलून त्याचे छोटे चौकोनी तुकडे किंवा द्राक्षाच्या आकाराचे तुकडे करा. काटा किंवा टूथपिकच्या साहाय्याने या तुकड्यांमध्ये लहान छिद्रे पाडा.

एका मोठ्या भांड्यात पाणी उकळून त्यात भोपळ्याचे तुकडे टाका. भोपळा थोडा मऊ होईपर्यंत 10-12 मिनिटे मध्यम आचेवर उकळवा. उकडलेले भोपळ्याचे तुकडे गाळून बाजूला ठेवा.

मंद आचेवर कढईमध्ये साखर आणि पाणी घालून पाक तयार करा. साखर पूर्णपणे विरघळली की त्यात केशर आणि लिंबाचा रस घाला. लिंबाचा रस पाकाला स्फटिक होण्यापासून प्रतिबंधित करतो

पाकात उकडलेले भोपळ्याचे तुकडे घाला. 20-25 मिनिटे मंद आचेवर शिजवा, जेणेकरून भोपळ्याचे तुकडे पाक पूर्णपणे शोषून घेतील. त्यात वेलची पूड आणि द्राक्षाचा फ्लेवर इसेन्स घाला.

भोपळ्याचे तुकडे सिरपमध्ये पूर्णपणे बुडवून रसदार झाल्यावर गॅस बंद करा. अंगूरी पेठा थंड होऊ द्या. चिरलेला पिस्ता आणि बदाम घालून सजवून सर्व्ह करा