आकर्षक स्लिम लूकसाठी खास कमरपट्टे

हे टेंपल डिझाइनचे कमरपट्टे 32 इंचाची कंबर 26 इंचाइतकी लहान दाखवतात. हे कमरपट्टे महिलांना एकदम रॉयल लूक देतात.

आजकाल टेंपल डिझाइन नेकलेसप्रमाणेच कमरपट्टेही मिळतात. यावर पारंपरिक नक्षीकामाप्रमाणेच अतिशय नाजूक आणि बारीक कोरीवकाम केलेलं असतं.

तुम्हाला हेवी लूक हवा असेल, तर हा फ्रिलवाला टेंपल कमरपट्टा निवडा. याच्या पुढच्या बाजूला टेंपल स्टाइलचं ब्रोच आणि दोन्ही बाजूंना लेअर चेन असते.

कांजीवरम, सिल्क, बनारसी साड्यांवर अशा प्रकारचा सिंपल कमरपट्टा खूप छान दिसतो. यावर लक्ष्मी देवीचं कोरीवकाम असून, पारंपरिक लूकसाठी हा बेस्ट पर्याय आहे.

लहान आणि मोठ्या सर्कलमध्ये सुंदर कोरीवकाम असलेले कमरपट्टेही सध्या ट्रेंडिंगमध्ये आहेत. याच्या खालच्या बाजूला लेअर असून त्याला छोटे झुमके लावलेले असतात.

लग्नसमारंभासाठी हेवी कमरपट्टा हवाच. नववधूंनी असा कमरपट्टा घातल्यास त्या खूपच सुंदर दिसतात. याच्या पुढच्या बाजूला मोठं ब्रोच आणि मागच्या बाजूला बेल्टसारखं डिझाइन असतं.

कमरपट्टा खाली घसरण्याची भीती वाटत असेल, तर बेल्ट डिझाइन निवडा. अशा प्रकारचे कमरबंद जाड कंबर सडपातळ दाखवतात. यात सिंपल आणि हेवी लूकचे कमरपट्टे मिळतात.

साधा पण स्टायलिश लूक हवा असेल, तर सिंगल ब्रोच कमरपट्टा सुंदर दिसतो. याच्या पुढच्या बाजूला सुंदर टेंपल डिझाइनचं ब्रोच असतं. बहिणीच्या लग्नात तुम्ही हा नक्की ट्राय करू शकता.

ट्रिपल लेअर चेन असलेला पट्टा कंबर आकर्षक दाखवतो. छोटा ब्रोच आणि सोन्याच्या मण्यांची रचना तुम्हाला रॉयल लूक देते. तसंच, यामुळे तुम्हाला सडपातळ लूकही मिळतो.