Gen Z मुलींचा नवा फॅशन क्रश, 'बुलाकी' घालून मिळवतायत देसी ग्लॅम

बुलाकी हा एक पारंपरिक दागिना आहे, जो नाकाच्या मधल्या भागात घातला जातो. जुन्या काळातला हा दागिना आता नव्या रूपात Gen Z मुलींमध्ये लोकप्रिय होत आहे.

नाकाच्या मधल्या भागात जो दागिना घातला जातो, त्याला 'बुलाकी' म्हणतात. याला इंग्रजीमध्ये Septum Nose Ring असंही म्हणतात.  हा दागिना आता मॉडर्न फॅशनचा एक महत्त्वाचा भाग बनला आहे. 

ही सिंपल आणि हलकी सोन्याची बुलाकी परफेक्ट आहे. ही फक्त एका पातळ सोनेरी तारेपासून बनलेली असते, जी खूपच एलिगंट दिसते. कॉलेज तरुणींमध्ये याची सध्या खूप क्रेझ आहे.

छोट्या-छोट्या चमकदार खड्यांनी सजवलेली ही बुलाकी पार्टी आणि फेस्टिव्ह लूकला अधिक ग्लॅमरस बनवते. पारंपरिक कपड्यांवर, म्हणजेच एथनिक वेअरसोबत ही बुलाकी एकदम परफेक्ट दिसते.

जर तुम्हाला 'बोहो लूक' हवा असेल, तर तुम्ही अशा प्रकारची डबल लेयर गोल्ड बुलाकी वापरू शकता. यामध्ये एक राऊंड आणि एक कर्व्ह अशा दोन लेअर्स असतात, ज्यामुळे लूक अधिक आकर्षक दिसतो.

मोत्यांनी (पर्ल) सजवलेली ही डिझाइन खूपच सॉफ्ट आणि एलिगंट लूक देते. विशेषतः लग्नसमारंभासाठी ही डिझाइन बेस्ट आहे. तुम्ही ही डिझाइन सोनं आणि चांदी या दोन्हीमध्ये बनवून घेऊ शकता.

एका पातळशा सिल्व्हर बुलाकीला एका छोट्या खड्याचं डँगलिंग लावलेलं आहे. मिनिमल लूकमध्ये अधिक क्लासी दिसण्यासाठी तुम्ही अशा प्रकारची बुलाकी डिझाइन नक्कीच ट्राय करू शकता.