Monsoon Face Care: पावसाळ्यात चेहऱ्याची काळजी कशी घ्यावी?

पावसाळ्यात हवेत आर्द्रता अधिक असते, त्यामुळे चेहऱ्यावर तेल, धूळ आणि घाम जमा होतो. यामुळे त्वचेच्या छिद्रांमध्ये घाण साचते आणि पिंपल्स होऊ शकतात. 

पावसात ओपन पोअर्सचा त्रास अधिक होतो. टोनर वापरल्यानं छिद्रं बंद राहतात आणि चेहरा टवटवीत दिसतो. ऑलिव्ह ऑइल किंवा गुलाबपाणी यासारखे नैसर्गिक टोनरही वापरू शकता.

पावसात त्वचेला मृत पेशी हटवणं खूप महत्त्वाचं असतं. स्क्रब केल्याने त्वचेला नैसर्गिक चमक मिळते. घरी बेसन, मध आणि साखर मिसळून नैसर्गिक स्क्रबही बनवू शकता.

हवामान दमट असलं तरी त्वचेच्या आतली आर्द्रता टिकवणं आवश्यक असतं. त्यामुळे हलकं आणि वॉटर-बेस्ड मॉइश्चरायझर वापरा जेणेकरून त्वचा कोरडी होणार नाही.

पावसात उन्हं दिसत नसली तरी UVA/UVB किरणं त्वचेला हानी पोहोचवू शकतात. त्यामुळे कमीत कमी SPF 30 असलेलं सनस्क्रीन घराबाहेर पडण्याआधी नक्की लावा.

आरोग्यदायी त्वचेसाठी फक्त बाह्य उपाय नाही तर भरपूर पाणी पिणं, फळं-भाज्या खाणं आणि तळकट अन्न टाळणं हे देखील तितकंच महत्त्वाचं आहे.