नाश्तासाठी पौष्टिक असे नाचणीचे आंबिल, वाचा संपूर्ण रेसिपी

नाचणीचं पीठ: ३ मोठे चमचे पाणी: १ कप पातळ ताक: १ कप भाजलेल्या जिऱ्याची पूड: अर्धा चमचा चिरलेली हिरवी मिरची: अर्धा चमचा, मीठ: चवीनुसार चिरलेली कोथिंबीर: एक चमचा

एका भांड्यात नाचणीचं पीठ घ्या. त्यात अर्धा कप पाणी घालून चांगलं मिक्स करा. पिठाच्या गुठळ्या होऊ देऊ नका. यासाठी, पीठ १५ मिनिटं पाण्यात भिजवून ठेवणं जास्त चांगलं.

एका पातेल्यात पाणी घेऊन गॅसवर ठेवा आणि उकळू द्या. पाण्याला उकळी आल्यावर, भिजवून ठेवलेलं नाचणीचं मिश्रण एकदा ढवळून घ्या आणि उकळत्या पाण्यात ओता. सतत ढवळत राहा.

गॅसची आच मंद करून हे मिश्रण सुमारे ५ मिनिटं शिजवा. चमच्याने सतत ढवळत राहा. मिश्रण घट्ट झाल्यावर गॅस बंद करा.

गॅस बंद केल्यानंतर नाचणीचं मिश्रण थोडं थंड होऊ द्या. आता त्यात ताक, जिरेपूड, मीठ आणि हिरवी मिरची घालून चांगलं एकत्र करा. वरून थोडी ताजी कोथिंबीर घालून सर्व्ह करा. 

अशाप्रकारे रोज नाचणीची आंबिल बनवून प्यायल्यास ती खूप चविष्ट लागते. सकाळी नाश्त्याच्या वेळी हे पेय प्यायल्यास आरोग्यासाठी खूप फायदेशीर ठरतं.