लांबसडक केसांसाठी खास टिप्स

तुमचे केस वेगाने वाढावेत असं वाटत असेल, तर घरीच अगदी सोप्या पद्धतीने जास्वंदीचं तेल कसं बनवायचं ते जाणून घ्या.

हे तेल बनवण्यासाठी तुम्हाला १० जास्वंदीची फुलं, १० जास्वंदीची पानं आणि एक वाटी खोबरेल तेल लागेल.

सर्वात आधी जास्वंदीची फुलं आणि पानं पाण्याने स्वच्छ धुवून घ्या. त्यानंतर मिक्सरमध्ये वाटून त्याची बारीक पेस्ट तयार करा.

एका कढईत एक वाटी खोबरेल तेल गरम करायला ठेवा. तेल थोडं गरम झाल्यावर त्यात जास्वंदीची फुलं आणि पानांची पेस्ट टाका.

तेल चांगलं उकळल्यानंतर गॅस बंद करा आणि कढईवर झाकण ठेवा. तेल पूर्णपणे थंड झाल्यावर ते गाळून घ्या आणि एका बाटलीत भरून ठेवा.

तुमच्या केसांना आवश्यकतेनुसार हे तेल लावा आणि हलक्या हाताने मसाज करा. ३० मिनिटांनंतर माईल्ड शॅम्पूने केस धुवा. आठवड्यातून तीन वेळा हा उपाय करा.

केसांच्या सर्व समस्या दूर करण्यासाठी जास्वंदीचं तेल खूप फायदेशीर ठरतं. हे तेल केसांच्या मुळांना खोलवर पोषण देण्याचं काम करतं.

जास्वंदीच्या तेलात कॅल्शियम, फॉस्फरस आणि आयर्नसारखे पोषक घटक असतात. यामुळे केसांची वाढ चांगली होते. तसेच खोबरेल तेलामुळे केस गळती थांबते.