Pure Honey : तुम्ही खात असलेलं मध शुद्ध आहे का? घरच्या घरी असं ओळखा

टिश्यू पेपर वापरून तुम्ही मधाची शुद्धता सहज तपासू शकता. एक टिश्यू पेपर घ्या, त्यावर मधाचे काही थेंब टाका आणि थोडा वेळ तसंच राहू द्या.

थोड्या वेळानंतर तो पेपर तपासा. टिश्यू पेपरने मध पूर्णपणे शोषून घेतलं असेल, तर ते भेसळयुक्त मध आहे. पण मध न शोषता पेपरवर तसंच राहिलं, तर ते अस्सल मध समजावं.

ब्रेडचा तुकडा वापरूनही तुम्ही मधाची शुद्धता तपासू शकता. एक ब्रेडचा तुकडा घ्या, त्यावर मधाचे काही थेंब टाका आणि थोडा वेळ तसंच ठेवा.

थोड्या वेळानंतर ब्रेडकडे लक्ष द्या. मध ब्रेडमध्ये मुरून ब्रेड ओला झाला असेल, तर ते भेसळयुक्त मध आहे. पण ब्रेड अजिबात ओला झाला नाही, तर ते शुद्ध मध आहे.

काडेपेटीची काडी वापरून मधाची शुद्धता तपासणं हा सर्वात सोपा उपाय आहे. एक काडी घ्या, तिचा मसाला असलेला भाग मधात बुडवा आणि लगेच ती काडी पेटवा.

मधात बुडवलेली काडी लगेच पेटली, तर ते शुद्ध मध आहे. पण काडी पेटायला वेळ लागला किंवा ती पेटलीच नाही, तर त्या मधात पाणी किंवा इतर कशाची तरी भेसळ आहे हे नक्की.