रंगपंचमीचा चारचौघात दिसा हटके, अशी करा हेअरस्टाइल

होळीच्या पार्टीला जायचंय? कपडे ठरलेत पण हेअरस्टाईल कोणती करायची हे कळत नाहीये? जास्त प्रयोग करण्याऐवजी मोकळ्या केसांवर रंगीबेरंगी धाग्यांनी या ६ युनिक हेअरस्टाईल्स करून पाहा.

तुमचा आऊटफिट कोणताही असो, निऑन थ्रेड पोनी कधीच निराश करत नाही. केसांचे तीन भाग करून, रंगीबेरंगी धाग्यांनी वेणी घालून पोनी बांधली आहे. सोबत सॉफ्ट कर्ल्समुळे एकदम क्लासी लुक येतो.

मोकळे केस सोडायचे नसतील, तर केसांचे दोन भाग करून बबल ब्रेड बनवा. ही ब्रेड रंगीबेरंगी धाग्यांनी बांधा. ही स्टाईल खूपच क्यूट दिसते. तुमचे केस लांब आणि दाट असतील तर नक्की ट्राय करा.

होळी २०२६ साठी स्टाईलसोबत थोडा ग्लॅमरस टच हवा असेल तर ही हेअरस्टाईल परफेक्ट आहे. दोन वेण्यांना रंगीबेरंगी धाग्यांनी 'X' आकारात क्रिस-क्रॉस लुक दिला आहे. 

छोट्या केसांवर हेअरस्टाईल करणं थोडं अवघड असतं. अशावेळी तुम्ही या लुकमधून प्रेरणा घेऊ शकता. छोट्या-छोट्या वेण्यांमध्ये धागे गुंफून त्याचे 'बो' (Bow) बनवा. 

फ्रेंच ब्रेडची ही हेअरस्टाईल खूप स्टायलिश दिसते. यात रंगीबेरंगी धाग्यांचा वापर केला आहे. बाकीचे मोकळे केस मिरर ॲक्सेसरीजमुळे अधिक आकर्षक दिसतील. 

जास्त प्रयोग करायला आवडत नसेल, तर केसांच्या वरच्या बाजूला फ्रेंच ब्रेड घालून ती पोनीटेलला जोडा. रबर बँडसोबत रंगीबेरंगी धाग्यांचा वापर करा.