मोगऱ्याच्या गजऱ्यासोबत करा ५ Holi Hairstyles, ट्राय करा हे बन+वेणी

या होळीला पारंपरिक आणि फ्रेश ट्राय करायचं असेल, तर मोगऱ्याच्या गजऱ्यासोबत या ५ हेअरस्टाईल्स नक्की करून पाहा. या ५ सोप्या होळी हेअरस्टाईल्स तुम्ही घरच्या घरी सहज करू शकता.

सर्वात पारंपरिक आणि सुरक्षित पर्याय म्हणजे क्लासिक लो बन राऊंड गजरा हेअरस्टाईल. केसांचा खाली पोनीटेल बांधून त्याचा गोल अंबाडा घाला. आता या अंबाड्याभोवती मोगऱ्याचा गजरा गुंडाळा.

तुम्हाला थोडा पारंपरिक टच हवा असेल, तर ही हाफ ब्रेडेड गजरा हेअरस्टाईल ट्राय करा. केसांची मध्यम वेणी घालून तिच्या अर्ध्या भागावर गजरा पिनअप करा.

लांब केसांसाठी ही फ्रेंच ब्रेड गजरा रॅप हेअरस्टाईल परफेक्ट आहे. केसांची सैलसर फ्रेंच वेणी घाला, वेणीच्या वरच्या बाजूला गजऱ्याचे छोटे तुकडे पिनने लावा. हा लूक साधा पण आकर्षक दिसेल.

होळी पार्टी किंवा सणांच्या फोटोशूटसाठी साध्या वेणीसोबत पूर्ण गजरा लावण्याची ही हेअरस्टाईल उत्तम पर्याय आहे. एक साधी वेणी घाला आणि वेणीच्या सुरुवातीला गोल फिरवून गजरा लावा. 

केस मोकळे सोडायचे असतील, तर ही हाफ-अप मिनी गजरा ओपन हेअरस्टाईल ट्राय करा. वरचे अर्धे केस घेऊन त्यांना क्लिप लावा आणि त्यावर एक छोटा मोगऱ्याचा गजरा लावा. उरलेले केस मोकळे सोडा.