फक्त 30 मिनिटांत बनवा हेल्दी गव्हाच्या पिठाचा केक, वाचा सोपी रेसिपी

1 कप गव्हाचं पीठ, ½ कप पिठीसाखर किंवा गुळाची पावडर, ½ कप दही, ¼ कप रिफाइंड तेल किंवा तूप, ½ कप दूध, 1 चमचा बेकिंग पावडर, ½ चमचा बेकिंग सोडा, 1 चमचा व्हॅनिला इसेन्स, ड्राय फ्रुट्स.

गव्हाच्या पिठाचा केक बनवण्यासाठी, सर्वात आधी ओव्हन 180°C वर 10 मिनिटांसाठी प्री-हीट करा. जर तुमच्याकडे ओव्हन नसेल, तर एका मोठ्या कुकरच्या तळाशी मीठ पसरवून त्यावर एक स्टँड ठेवा.

एका मोठ्या भांड्यात दही आणि साखर घ्या. हे मिश्रण एकदम स्मूथ होईपर्यंत चांगलं फेटून घ्या. आता त्यात तेल आणि व्हॅनिला इसेन्स घालून पुन्हा एकदा मिक्स करा.

गव्हाचं पीठ, बेकिंग पावडर आणि बेकिंग सोडा चाळून घ्या. हे चाळलेलं मिश्रण दह्याच्या मिश्रणात हळूहळू मिक्स करा. त्यात थोडं-थोडं दूध घालून स्मूथ बॅटर तयार करा. 

तयार बॅटरमध्ये ड्राय फ्रुट्स घालून हलक्या हाताने मिक्स करा. केक टिनला तेल किंवा तूप लावून ग्रीस करा आणि त्यात बॅटर ओता. हा केक कुकरमध्ये किंवा ओव्हनमध्ये 30 मिनिटांसाठी बेक करा.

तयार झालेला गव्हाच्या पिठाचा केक थंड झाल्यावर टिनमधून बाहेर काढा. त्यावर तुमच्या आवडीनुसार गुलाबी किंवा पांढऱ्या रंगाची क्रीम लावून डेकोरेट करा.

गव्हाच्या पिठाचा केक मैद्याच्या केकपेक्षा खूपच आरोग्यदायी असतो. यामध्ये फायबरचं प्रमाण जास्त असल्यामुळे तो पचायला हलका असतो.