घरगुती खत: हे एक खत वापरा आणि झाडं घनदाट वाढवा

बटाटा, कांदा, काकडी, गाजर यांसारख्या भाज्यांची सालं अजिबात फेकून देऊ नका. ही सालं मातीत मिसळा. ती कुजल्यानंतर झाडांना आवश्यक नैसर्गिक पोषक तत्वं मिळतात.

झाडं नेहमी हिरवीगार राहावीत यासाठी वापरलेली चहा पावडर किंवा चहाची पानं वापरा. यामध्ये नायट्रोजन भरपूर प्रमाणात असतो. यामुळे मातीचा कस वाढतो आणि हे एक उत्तम खत म्हणून काम करतं.

अंड्याच्या टरफलांमध्ये कॅल्शियम भरपूर असतं. यामुळे झाडांची मुळं मजबूत होतात. अंड्याची टरफलं उन्हात चांगली वाळवून त्याची पावडर करा आणि झाडाच्या मुळाशी मातीवर टाका.

तांदूळ धुतलेलं पाणी फेकून न देता झाडांना घाला. या पाण्यातील मिनरल्स आणि स्टार्चमुळे झाडांना ऊर्जा मिळते आणि त्यांची वाढ निरोगी होते.

या सोप्या आणि नैसर्गिक पद्धती वापरून तुम्ही तुमची बाग सुंदर आणि हिरवीगार बनवू शकता. यासाठी बाजारातील रासायनिक खतांची गरज भासणार नाही.