दीर्घकाळ ताजी राहतील पुदिन्याची पाने, अशी करा स्टोअर

उन्हाळ्यात ताजी पुदिन्याची पाने भरपूर येतात. पण ती लवकर खराब होतात. म्हणूनच, ती कशी साठवायची हा प्रश्न पडतो. जाणून घ्या ५ मार्ग-

पुदिन्याची पाने धुऊन ४-५ दिवस सावलीत वाळवा. पूर्ण वाळल्यानंतर हातांनी चोळा. हवाबंद डब्यात ठेवून थंड, कोरड्या जागी साठवा.

पुदिन्याची पाने, मीठ आणि थोडे पाणी घालून पेस्ट बनवा. आईस क्यूब ट्रेमध्ये भरून फ्रीजरमध्ये ठेवा. क्यूब्स काढून जिप लॉक पिशवीत भरा आणि पुन्हा फ्रीजरमध्ये ठेवा.

पुदिना बारीक चिरून घ्या. थोड्या तुपात/मोहरीच्या तेलात हलका भाजा. थंड झाल्यावर काचेच्या बरणीत भरा आणि फ्रीजमध्ये ठेवा. पराठा, डाळ, बटाटे, पुलावात वापरा.

बाटलीत सफरचंद व्हिनेगर भरा. त्यात पुदिन्याची पाने घाला. ७-१० दिवसांनी गाळून व्हिनेगर साठवा. सलाड ड्रेसिंग, चाट, डिटॉक्स पेयात वापरा.

पुदिन्याची पाने बारीक चिरून घ्या. जाड मीठ मिसळून काचेच्या बाटलीत भरा. फ्रीजमध्ये महिनोनमहिने टिकते. चटणी, दही, रायता, चाटमध्ये वापरा.

साठवण्यापूर्वी पुदिना धुऊन वाळवा. ओलावा राहू नये म्हणजे बुरशी लागणार नाही. साठवलेला पुदिना नेहमी स्वच्छ चमच्याने काढा.