Dussehra 2025 : यंदा दसरा 1 की 2 ऑक्टोबरला? जाणून घ्या योग्य तारीख

आश्विन महिन्याच्या शुक्ल पक्षातील दशमीला दरवर्षी दसरा सण साजरा केला जातो. हा सण भगवान श्रीरामांच्या रावणावरील विजयाच्या आनंदात साजरा करतात, म्हणून याला विजयादशमी असेही म्हणतात.

दसरा हा हिंदूंच्या प्रमुख सणांपैकी एक आहे. या दिवशी संपूर्ण देशात अधर्माचे प्रतीक असलेल्या रावणाच्या पुतळ्याचे दहन करण्याची परंपरा आहे. २०२५ मध्ये दसरा सण कधी हे जाणून घेऊया.

पंचांगानुसार, यंदा आश्विन महिन्याच्या शुक्ल पक्षातील दशमी तिथी ०१ ऑक्टोबर, बुधवार रोजी संध्याकाळी ०७:०१ पासून ०२ ऑक्टोबर, गुरुवार रोजी संध्याकाळी ०७:११ वाजेपर्यंत राहील.

दशमी तिथीचा सूर्योदय २ ऑक्टोबर, गुरुवार रोजी होईल आणि संपूर्ण दिवस हीच तिथी राहील, म्हणून याच दिवशी दसरा म्हणजेच विजयादशमीचा सण मोठ्या उत्साहात साजरा केला जाईल.

असे मानले जाते की ९ दिवस महिषासुराशी युद्ध केल्यानंतर देवी दुर्गादेवीने दहाव्या दिवशी त्याचा वध केला. हा अधर्मावर धर्माचा विजय होता. त्या विजयाच्या आनंदात दरवर्षी दसरा साजरा करतात.