Diwali 2025 : दिवाळीत झाडू का खरेदी करतात? वाचा धार्मिक महत्व

यंदा दिवाळी 20 ऑक्टोबर, सोमवारी आहे. दिवाळीपूर्वी लोक विशेषतः झाडू खरेदी करतात आणि देवी लक्ष्मीसोबत त्याची पूजाही करतात. जाणून घ्या या परंपरेमागील कारण...

दिवाळीत पूजेसाठी अनेक वस्तू खरेदी केल्या जातात, झाडू ही त्यापैकीच एक आहे. झाडूला देवी लक्ष्मीचेच एक रूप मानले जाते. त्यामुळे दिवाळीत झाडूच्या पूजेला विशेष महत्त्व आहे.

व्यावहारिक दृष्टिकोनातून पाहिल्यास, आपण झाडूनेच आपले घर स्वच्छ करतो आणि घाण बाहेर काढतो, म्हणजेच घर स्वच्छ ठेवण्यासाठी झाडूचे महत्त्व सर्वाधिक मानले जाते.

घर स्वच्छ राहिले तर नकारात्मक ऊर्जा नाहीशी होते आणि सकारात्मक ऊर्जा टिकून राहते. जिथे सकारात्मक ऊर्जा असते, तिथे देवी लक्ष्मी वास करते आणि सुख-समृद्धी व शांती नांदते.

दिवाळीत झाडूची पूजा करून कृतज्ञता व्यक्त केली जाते. झाडू ही तशी खूप छोटी वस्तू आहे, पण त्याशिवाय घर स्वच्छ करणे कठीण आहे, म्हणून त्याबद्दल कृतज्ञता मानली जाते.

हिंदू धर्मात आपल्यासाठी उपयुक्त असलेल्या प्रत्येक गोष्टीची पूजा केली जाते किंवा कृतज्ञता व्यक्त केली जाते. झाडूची पूजा आपल्याला विनम्र राहायलाही शिकवते.