Chanakya Niti: एखादी व्यक्ती सोडून गेल्यावर काय करावं, चाणक्य सांगतात

चाणक्य म्हणतात, "भावनांनी नाही तर बुद्धीने निर्णय घ्या." कोणी आपल्याला सोडून गेलं तर लगेच तुटून न जाता स्वतःवर नियंत्रण ठेवणं महत्त्वाचं आहे.

कोणत्याही नात्यातून काही शिकायला मिळतं. चाणक्य सांगतात, "नात्यांमधील चुका समजून घेतल्या तर भविष्य उजळू शकतं." कोणावरही राग न धरता धडा शिका.

"जो स्वतःचा मान ठेवतो, तोच इतरांकडून सन्मान मिळवतो," असं चाणक्य म्हणतात. कोणीही आपल्याकडे दुर्लक्ष करत असेल, तरी स्वतःच्या आत्मसन्मानाची जाणीव ठेवा.

एखादी व्यक्ती गेल्यानंतर वेळ वाया घालवू नका. चाणक्य नीती सांगते की, "वेळेचा योग्य उपयोग करणारा व्यक्तीच यशस्वी होतो." नवीन कौशल्य शिका, स्वतःवर काम करा.

"नेहमी विवेकी, सकारात्मक आणि प्रामाणिक लोकांची साथ घ्या." चाणक्यांच्या मते चुकीच्या लोकांनी नातं तोडल्यास, ते आपल्यासाठी वरदान ठरू शकतं.

चाणक्य नीतीमध्ये अध्यात्माला महत्त्व दिलं आहे. ध्यान, वाचन, आणि शांततेत थोडा वेळ घालवा. त्यामुळे मन स्थिर राहील आणि दुःखावर मात करता येईल.