फक्त 500 रुपयांत घराला द्या प्रीमियम लुक

घराला सुंदर आणि प्रीमियम लुक देण्यासाठी नेहमीच मोठ्या बजेटची गरज नसते. योग्य डेकोर वस्तू वापरून तुम्ही 500 रुपयांपेक्षा कमी खर्चात जुन्या घराला नवीन आणि स्टायलिश बनवू शकता.

100-300 रुपयांच्या मिनिमलिस्ट वॉल फ्रेम्स घराला मॉडर्न आणि एलिगेंट टच देऊ शकतात. लिव्हिंग रूम, बेडरूम, स्टडी कॉर्नरमध्ये 2-3 फ्रेम्सचा एक छोटा गॅलरी सेटअप तयार करा.

नवीन कुशन कव्हर्स घ्या. एम्ब्रॉयडरी, जॉमेट्रिक किंवा बोहो प्रिंटचे कुशन कव्हर्स जुन्या सोफ्यालाही नवीन लुक देऊ शकतात. 200 ते 500 रुपयांमध्ये 2 ते 4 कुशन कव्हर्स सहज मिळतात.

फेअरी लाइट्स बेडच्या हेडबोर्डला, बाल्कनीमध्ये किंवा वॉल शेल्फवर लावू शकता. हँगिंग लाइट्सचा पर्यायही निवडू शकता. 100 ते 250 रुपयांमध्ये हा एक उत्तम डेकोर अपग्रेड आहे.

छोटे फॉक्स प्लांट्स किंवा आर्टिफिशियल सक्युलेंट्स (कृत्रिम वनस्पती) शेल्फ, सेंटर टेबल किंवा टीव्ही युनिटवर ठेवा. 150 ते 400 रुपयांमध्ये चांगले पर्याय उपलब्ध आहेत.

सेंटर टेबल किंवा साइड टेबलवर एका सुंदर ट्रेमध्ये छोटा शोपीस, मेणबत्ती किंवा मिनी प्लांट ठेवा. यामुळे हॉटेल, लक्झरी घरांसारखा लुक येतो. 300-500 रुपयांमध्ये हा संपूर्ण सेटअप मिळतो.

एखादी भिंत जुनी, फिकट वाटत असेल, तर सेल्फ-अ‍ॅडेसिव्ह वॉलपेपर हा एक उत्तम पर्याय आहे. मार्बल, वूडन, टेक्सचर्ड डिझाइनचे वॉलपेपर खूप कमी किमतीत उपलब्ध आहेत, जे प्रीमियम फील देतात.