बद्धकोष्ठतेचा त्रास होतोय? आहारात सामील करा ही 7 फळं, लगेच मिळेल आराम

किवीमध्ये फायबर आणि 'ॲक्टिनिडिन' नावाचं एन्झाइम असतं. हे घटक मल मऊ करण्यास मदत करतात, ज्यामुळे पोट साफ होण्यास सोपं जातं.

नाशपातीमध्ये फायबर, फ्रुक्टोज आणि सॉर्बिटॉल भरपूर प्रमाणात असतं. हे घटक आतड्यांमध्ये पाणी खेचून घेतात, ज्यामुळे मल मऊ होतं आणि बद्धकोष्ठतेचा त्रास कमी होतो.

सफरचंद हे आणखी एक गुणकारी फळ आहे. यात फायबर आणि पेक्टिन भरपूर प्रमाणात आढळतं. हे घटक मल मऊ करण्यास मदत करतात.

रास्पबेरी, स्ट्रॉबेरी आणि ब्लूबेरी यांसारख्या फळांमध्ये फायबरचं प्रमाण खूप जास्त असतं. यामुळे बद्धकोष्ठतेच्या समस्येला प्रतिबंध घालण्यास मदत होते.

पपई हे बद्धकोष्ठतेपासून आराम देणारं आणखी एक महत्त्वाचं फळ आहे. यामध्ये फायबरचं प्रमाण जास्त असल्यामुळे पोट साफ होण्यास मदत होते.

अंजीरमध्ये फायबर आणि 'फिसिन' नावाचं एन्झाइम असतं. हे घटक आतड्यांच्या निरोगी कार्याला प्रोत्साहन देतात आणि पचनक्रिया सुधारतात.

संत्र्यामध्ये पेक्टिन नावाचा घटक असतो. हा घटक बद्धकोष्ठतेचा त्रास कमी करण्यास मदत करतो आणि पचन सुधारतो.