सैफ अली खान हल्ला प्रकरण: ३ प्रश्नांची उत्तरे मिळाली की गूढ उलगडेल

सैफ यांच्यावर झालेल्या हल्ल्यामुळे मुंबईतील अतिमहत्त्वाच्या व्यक्तींच्या सुरक्षेबाबत प्रश्न उपस्थित झाले आहेत. १५ जानेवारीच्या रात्री हल्लेखोराने त्यांच्यावर चाकूने हल्ला केला.

ही घटना मुंबईतील पॉश परिसर खार येथील गुरुशरण अपार्टमेंटच्या १२ व्या मजल्यावर असलेल्या सैफ अली खान यांच्या घरी घडली.

हल्ल्यात सैफ अली खान यांच्या गळ्यात, पाठीत, डाव्या हातात आणि डोक्यासह सहा ठिकाणी चाकू लागला आहे. त्यांना रात्री उशिरा लीलावती रुग्णालयात दाखल करण्यात आले.

दरम्यान, मुंबई पोलिसांनी सांगितले की, त्यांनी हल्ल्यातील एका आरोपीची ओळख पटवली आहे. तो जिना चढून अपार्टमेंटमध्ये शिरला होता.

सैफच्या घरी असलेल्या मेडसह ३ जणांचीही चौकशी सुरू आहे. हल्ल्यात एका घरकाम करणाऱ्या महिलेलाही दुखापत झाली आहे. मात्र, या ३ प्रश्नांची उत्तरे मिळाली तर हल्ल्याचे गूढ उलगडेल.

हाय सिक्युरिटी सोसायटीमध्ये हल्लेखोर नेमका कसा शिरला? हल्ला केल्यानंतर झालेल्या गोंधळात तो पळून जाण्यात कसा यशस्वी झाला?

सैफ अली खानची मेड रात्री घरीच थांबायची का? हल्लेखोराचे तिच्याशी का आणि कशामुळे वाद झाले?

हल्लेखोर मेडचा ओळखीचा होता का? त्यानेच हल्लेखोराला घरात शिरण्यास मदत केली का?