दोन वेळा लग्न झालेल्या राखी सावंतला पुन्हा एकदा प्रेम झाले आहे. यावेळी तिचे मन एका पाकिस्तानी अभिनेता आणि निर्मात्यावर आहे.
राखीने नुकतेच टाइम्स ऑफ इंडियाला दिलेल्या एका मुलाखतीत तिच्या कथित बॉयफ्रेंड डोडी खानबद्दल बोलताना सांगितले की, ते पाकिस्तानात इस्लामिक पद्धतीने लग्न करतील.
राखीने असेही म्हटले आहे की, ती पाकिस्तानात लग्न केल्यानंतर भारतात रिसेप्शन देईल. स्वित्झर्लंड आणि नेदरलँड्समध्ये हनिमून साजरा करेल आणि नंतर पतीसोबत दुबईत स्थायिक होईल.
डोडी खान पाकिस्तानी अभिनेता आणि मॉडेल आहेत. ते तिथे खूप लोकप्रिय आहेत. वृत्तानुसार, अभिनेता आणि मॉडेल असण्यासोबतच डोडी खान पाकिस्तानात पोलीस अधिकारी देखील आहेत.
डोडी खान यांनी पाकिस्तानात 'दुर्ज', 'घबराना नहीं है', 'अखाडा' आणि 'चौधरी' सारख्या अनेक चित्रपटांत काम केले आहे. ते बॉलीवूड स्टार संजय दत्त यांना आपले आदर्श मानतात.
डोडी खान सोशल मीडियावर खूप सक्रिय असतात. इंस्टाग्रामवर त्यांचे २२ हजार फॉलोअर्स आहेत. ते स्वतः संजय दत्त, अमिताभ बच्चन, आमिर खान आणि राखी सावंत यांच्यासह ४४ लोकांना फॉलो करतात.
डोडीने राखीला प्रपोज करताना इंस्टाग्रामवर विचारले, "वरात घेऊन इंडिया यायचे आहे की दुबई? लव्ह यू." राखीनेही लिहिले, "खूप आनंदी आहे की मला आयुष्यात योग्य व्यक्ती मिळाली."