कान्स फिल्म फेस्टिव्हलमध्ये अमृता फडणवीसचा दमदार लूक, फोटो व्हायरल

राज्याचे उपमुख्यमंत्री देवेंद्र फडणवीस यांच्या पत्नी अमृता फडणवीस यांनी 2025 च्या कान्स फिल्म फेस्टिव्हलमध्ये हजेरी लावली. त्यांच्या लूकने सर्वांचं लक्ष वेधलं!

13 मे 2025 पासून सुरू झालेला 78 वा कान्स चित्रपट महोत्सव 24 मेपर्यंत रंगणार आहे. हे सिनेविश्वातील सर्वात प्रतिष्ठित फेस्टिव्हल्सपैकी एक आहे.

कान्समध्ये अमृता यांचा स्टायलिश आणि आत्मविश्वासपूर्ण लूक चर्चेचा विषय ठरला. अनेकांनी सोशल मीडियावर त्याच्या स्टाईलची प्रशंसा केली.

युनेस्को आणि बेटर वर्ल्ड संस्थेच्या संयुक्त विद्यमाने आयोजित चर्चासत्रात अमृता फडणवीस यांनी सहभाग घेतला.

या चर्चासत्रात त्यांनी महिलांच्या हक्कांसाठी आणि समान संधीसाठी ठामपणे आपली मते मांडली.

अमृता फडणवीस यांची ‘Ambassador for Women’s Rights’ म्हणून निवड झाली आहे. त्या आता महिलांच्या हक्कांसाठी जागतिक स्तरावर काम करणार आहेत.

या नव्या भूमिकेतून त्या महिलांच्या समानतेसाठी, हक्कांसाठी आणि सशक्तीकरणासाठी प्रयत्नशील राहणार आहेत.

अमृता फडणवीस या केवळ बँकरच नव्हे तर एक उत्तम गायिका, समाजसेविका आणि सामाजिक मुद्द्यांवर बोलणारी व्यक्तिमत्त्व आहेत.

इन्स्टाग्रामवर त्यांचे 1.2 मिलियनहून अधिक फॉलोअर्स आहेत. त्या कायमच बिनधास्त आणि स्पष्टवक्त्या म्हणून ओळखल्या जातात.

कान्स फिल्म फेस्टिव्हलमध्ये सहभाग, महिलांच्या हक्कांसाठी उभारलेला आवाज आणि नवी जबाबदारी – अमृता फडणवीस यांची ही वाटचाल अनेकांसाठी प्रेरणादायी ठरणार आहे.